VALENTINE’S DAY CANG DAAN
AD zabi 3 dung ah Claudius tihnak kumpibawi umh ii.. Kumpibawi inn thawn hla ngai lo ah Biakinn mawi ngai um ii. Cia mi Biakinn ah Valentine tihnak Father um ii. Rome miphun hmuah hmuah in upa naupang tilo, milian farah tilo in Upat ngai ai, rin khai rin san ngai ii..
Rome ral heh bo tih umh lo in do mualmo i man, Siangpahrang in kumkhim Pasal te khiah ral ram ah hlat de ii. Papui te in a innsang le nuber te thawn khek dun ben de lo ii. Claudius ai tur heh mipi in tuar ii. Kusih hnak ngah lo cen thawl zu pe cia khai Piat ii tu seh tin thu suah ii. Cia man tlangval in fenu ngai, fenu in tlangval zun in ralram ah feh kul te ihang.
Claudius ai tur khiah Father Valentine lungsia ii. Cia teng lai ah iit dun ngai khuah khat khiah Father in kutsih sah ii, father in kutsih sah hnak thu khai mi pakhat pon ka in pakhat hnen ah ti bang in mipi in liang ai iit dun ngai te khuah tam ngai khiah Father in lo kutsih sah ii. Father ai kutsih sah hnak thu khiah a thang sin sin ai Kumpibawi hnen ah hleng ii. Claudius khai a thinraw dan tu a khu in khu ii. Ralkap thenkhat te khiah Biakinn ah hlat ai Father in iit dun ngaingai te khuahkhat kutsih lai tak khiah tan ai Father khiah pom i hang. Mipui te in ngaithiam hnak ninghioh kun ai mipui ai ninghioh kun hnak hlawhtling te lo ii. Father khiah thawnginn ah rem hnak tuar le thi te ii. mipui in Father luang khiah lang ai St. Praxedes Biakinn ah phum ii. Cia nia khiat AD 270 FEB 14 ii. Hmun dang ah tu AD 169 tin khai umh ii.
Vanlentine khaih Christian Father hlan taber tin khai ngan tu umh lianglo ii. Hlanlai christian te khiah thih hnak khuahu/ harsa hnak zai bang hleng in khai lau lo ii. A misa hnar ah tuar ngam thihpi ngam ii. Valentine khiah thawnginn ah a umh teng ah thawnginn kiltu bawi ai fenu mit khua hmu lo nu khai tuamhlawm lai ii. Thih nia a khim ai a thi tuh nia zing ah thawnginn kiltu fe nu khiah lai hlup i lai ii a lai hlup hnak ahnia taber ah
From Your Valentine ti ii..
Thuanthu ngai te in he thu hampui khiah zing zawi ai mipui pom thai tuh in ngan ii. Thuanthu zingzawi hnak te .AD 270 Rome siangpahrang din ngawm ah Rome khuapi hiang khiang tupi/ ram ngawpi a ii man mehleng tam ngai umh ii. Rome miphun te ai bia hnak khuazing pathian “lupercus” khuazing tihnak kai tel ai cia mi khuazing in minung le kilkhawl de ii ti. Kum siar February hla lai dungah thawihnak pui bawn sah de ii. Cia teng lai ai calender heh tun ai hnak in hnua deuh ii. cia teng ai khuazing thawihnak puai heh khal cann lut hnak puai (khal caan hmuak hnak) tin khai ti thil ii. Cia puai hneh mi dang in tu faunus khuazing puai ii tin khai ti ii. Cia khuazing khiah minung hrek khat ,mi hrek khat ii ai a lu ah pan ti hnak ki nai ii ai ramsa le minung kil khawl de ii. Cia khuazing puai bawn hnak heh hlanlai pan in um sa i man kum zabi 1 ai mifim lai thiam te in kai ciang kuang ngai in ling lo ii. I napi khaw he mi ni sunglawi ni khaih rinhelh nai lo in sang tlang thotho ii. Thuanthu khum hnak bang in Mark Antony khiah AD 44 ai khuazing puai pakhat ah suilukhuk khai Julius Caesar kut ah ap ii tin ling ii.
Kum siar Febuary ni 15 ah siangbawi te Rome khuapi ai palantine tlang ai puk pakhat hiang ah khawm tlang de ii. Cia puk khaih hlanlai ai Siangpahrang kai aw Romilus le Remus te u nau khaih mehlang nu pakhat in cawm ai a khang hmun awng ii. Cia puai hmang dang danglam hnak tu mevun khai awh ai mipi dawk ngal ii. Fenu/nupang te heh lampi hiang ah umh ai mevun in alu vit ngah te khaih cia kum ah nau poi ai nafu nai ii tin sang hnak umh ii. Thu ngai fang tu February ni thiang heh cia nia ii..
Rome ram heh ngaw tete ai Europe ram hmuahhmuah zai sio ii..khua zing bia hnak khia Frend ram, England ram tian hleng ii. Cia pui ai mipi hiam ruai ben hnak ber heh fungduk ii.. fenu te hming khai ngan ai fung bawn le tlangval te in fung duk de ii. A duk ngah hnak hming khaih cia kum ai a Valentine i hang. Tlangvalpa in khai a angki ah a duk ngah hnak fenu hming khaih par ai ngan ii. Cia kum khaih duk ngah hnak fenu khaih kilkhawl ii. Cia tin iit dun fawm de ii. Kum te rai ai Christian te ni sung lawi khai hai vivo hlum vivo ii. Siangbawi te in ruat tlang ai kin dan puai khai haisio ngah ai ti le Lupercalia puai khaih Valentine ‘s Day tin bawn ai February ni 14 ni khaih khiah ii Valentine hih hnak le hlan ai khuazing puai kom hnak ii.
Tam ze ngan fang kaimah bang lai siar thazawng te rim leh ngai hehe.. siar hiam tu umh i le peh leh ngai.
Aang ze ing laisiar tu nangmah naihhla
Anghnak tam pi thawn
Ethang (Enockpa)
Web Admin