FBR: Tun kum June ni 9, 2011 nia pah kum 17 song acozah thawn remhnak bawn hnu ah Kachin le Acozah te tun tian kaapdun ii. Tun bang Kachin ram ah dodunhnak maan mi 20,000 heh raaltlaan in umh zo thu Laizo hmun ai raaltlaan te ca napertu pawlkom te in phuang ii.
[portfolio_slideshow]
Tun heh Kachin kaaptu Acozah ralkap battalion heh 93 khim zo ii. Tun ah Kachin ram ah acozah ralkap battalion 113 um zo ii. Acozah ralkap te tu Division 33, 88, le 99 te heh tun teng Kachin ram ah cangvai teng ii.
Oct 16 nia ah acozah ralkap 200 dung, Light Infantry Battalion (LIB) 438 ai le Infantry Battalion (IB) 121 ai te in Kachin ram, Wai Maw district ai Nam San Yang khua kaap ii. Inn 30 val maitai ai he khua ai sanginn ah ni 3 song ralkap te umh ii.
Nam San Yang khua ai mipui veksen heh inn le thilri nai loin tlan ai Laizo ai raltlan te umhmun ah been ii. Hrekkhat mipui te tu lo ai ciinghnak rong te pamhaih maan hampa lak ah hlam sa in amah te lo-rong sik le acozah ralkap in hnawm sah tuh siang lo ii. He khua heh Kachin te in thilri lang thil tuh loin le lut thil tuh loin acozah ralkap te in op meng ii.
Christian Solidarity Worldwide – http://dynamic.csw.org.uk/