Iceland ram an hlanglam ai Mýrdalsjökull vurkhal umhmun hnia ah tun kum October hla song ah hlinhlin heh vai 512 hlin thu Meteorological Office in phuang ii. He hmun heh maitlang nung Katla tihnak uhmun ii.
Hlinhlin 380 heh he Katla maitlang hnia an suakhnak ai adang tu Hafursárjökull vurtolh hmun dung le nitlakhnak lam dung in pan ii.
October ni 5 nia ah he ram ah pehzom in hlinhlin tlung dek ai Katla maitlang an hlanglam ai Austmannsbunga hmun ah Ritchter scale vum ah point 4 tian in cak in hlinhlin tlung awng ii. He ram heh vur ram ii ai minung tam ngai umhmun i lo maan cetih ze in mipui in harsahnak tuar lo ii.