European Union (EU) in amah te ramsong lut le suak te heh X-Ray hmang in minung siikhnak heh hmang tuh loin phuang napui United Kingdom (UK) ram in hmang tuh pah ii.
[portfolio_slideshow]
Britain ai transport secretary, Justine Greening, in EU in khawltlawng te heh minung siikhnak X-Ray hmangin siik tuh loin phuang zo napui hnua tolh tuh lo ti ii.
“Vanzuang ah to tuh khualtlawng te in X-Ray hmang in tiksa siik siang lo lekhaw vanzuang ah to thil tuh lo, X-Ray in siikhnak te thiah vanzuang to thil tuh” tiin UK transport secretary in reel ii. Hetih bang ai siik daih lo te tu UK ai Aviation Security Act (Daan) hmang in daantat tuh ti ii.
X-Ray hmang in minung siik heh tiksa ca pha lo hnak nai tiin ruathnak umh ai, nuncak thah lo te le X-Ray lai te in daih de lo ii. Ciaman EU in hmang tuh loin phuang leh napui UK tu a ram humhimhnak ruat maan hmang tuh hlen ii.
Khawltlawng te siikhnak heh Backscatter X-Ray Scanner tiin ko ai UK in hmanghnak daan heh a baai zawngin “No scan, no fly policy” tiin ko de ii.