Kawl acozah in Meikthila raalkaap hmunpui ai raalkaap te khiah Kachin state ah kuat beet ai tun ai a kuathnak heh Light Infrantry Division No. 99 te ii.
Motor 50 dim in raalkaap, raalthuam le rong te thawn November 23, 2011 nia ah Manmaw (Bhamaw) district ai Manwin hmun ah hleng bial thu Kachin News Group in phuang ii.
Zan vaar he hmun acozah raalkaap hleng thar umh le battalion zaizah hleng zo tihnak lin lo tiin he hiang ai mipui te in reel ii. Cen, Mandalay an Manmaw ah lawng in acozah raalkap tam ngai hleng beet ii. Tun heh Kachin state ah acozah in raalkap heh battalion 120 hnakin tam sawn kuat zo ii.
LID No. 99 heh Kachin state ah a feh hlan ah Kachin Independence Organization (KIO) ai Lt-Gen N’ban La Awng (KIO ai Vice-President) le acozah lam in Aung Min (Railway Minister) te khiah he nia hlan ni 4, November 19 nia ah Thailand ai Chiangmai khawpui ah tawkdunhnak nai ai acozah do tuh loin lungkhim tuhin Aung Min in KIO sawm zo ii.