UN Register lai lo mi 30,000 Kutupalong Rohingya Camp Cox’s bazar, Teknaf hmunah kawlram Refugee um ii.
Nayapara leh Kutupalong Refugee camp ai kawlram Refugee te leh Balngadesh ram songai um UN card nai ve lo, mibur te ca rang ngai in tlung tuh thu pe ii. He heh kawlram acozah leh Bangladesh acozah thu suah kawmhnak ii. He thu suahhnak heh Bangladesh Prime Minister Sheikh Haisana in ni-hnih song kawlram a tlawn hnua in ii, kawlram tlawn hnak heh ni-thum nia ben ii.
President Thei Sein in Myanmar ahlin ah he thu la heh tar i, “Kawlram in Bangladesh thu suahhnak heh tel pui tuh in lungkhim pui ii. UNHCR in thu suahhnak lang ai sik tlang fangin UN bawmhnak ngah, kawlram refugee mi Thawngkul-hluankua (29,300) um ai cia hnak in tam kawlram mi Ting-hnih (200,000) lai Bangladesh ah um i ti zawt ciang thil i” tin ti ii.
Thusuah kawmhnak ah “Rohingya” ti heh tar langlo na pui Dec 6 suah The Daily Star Thuthang rel dan in kawlram cozah in Rohingya te heh lang tuh in rem ti ii.
Ni-hnih nia Bangladesh Daily Star Thuthang suahhnak ah kawl acozah in Rohingya kawlram refugee te heh lang tuh in lungkhimhnak nai le kawlram thu nai tu te in kawlram mi ngaingai i ti ling cianghnak nai zo ii. Daily Star Thuthang rel dan in kawlram refugee te heh um khawmhnak ah, Tangka si hnak ah ral ngam ngai in Bangladesh ah um tlang zo ii.
Sumpaihnak ah thu suah kawm hnak tu Bank leh Bank dawr dun tuh in ACU (Asian Clearing Union) ah lingruai zo ii. Cen vanzuang in Daga/Chittagong leh Ragoon karlak direct in zuang tuh in rel ii. Ram ri sumpaihnak ah rel tlang leh tuh in hmaikum kum thar ah rel tlang tuh in daih ii. Bangladeh Prime Minister in kawlram kuat tuh a ngen hnak tu Readymade hnihpuan, Kut phiar hnihpuan, Si phunphun, Sori kungin bawnhnak thil a phunphun, Bel bawnhnak ( pum su ) a phunphun te ii. Bangladesh Prime Minister a khual si songah sumpaihnak ah remhnak nai tlang ai nemhnget fawm ii. 7.12.2011 ( Wed ) Naypyidaw ah Bangladesh Embassy tuh caah Foundation ( A hampui ) phum in um zo ii.
info