December 15, 2011
GENEVA (Reuters) – Nupang le Mipa ihnak naikop te, Nupang le Nupang, Mipa le Mipa kopdun te vum ah harsahnak tam ngai hleng de maan he te ca Minung Dikhnak le Covo heh laivum in humhim sah tuhin United Nations in December 15, 2011 nia ah phuang ii.U.N Thuthan ah Lesbian (mipa bang nupang), Gay (mipa napui nupang bang), Bisexual (nupang le mipa naikop) le Transgender (nupang le mipa daihkop) te heh LGBT tiin ko ai he te heh roh ngai in zohsuamhnak le harsahnak tuar ti ii.
U.N ah High Commissioner for Human Right palai Navi Pillay in U.N Thuthan heh phuang ii. LGBT te heh reek, viit, pom, sualpuih te roh ngai in tuar ai tiksa ian i loin thinlung thian in roh ngaiin harsahnak tuar ngah tiin phuang ii. He Thuthan (Report) ah daan in reekhnak LGBT thula 25 te khai laaihmai 25 ah telh ii.
Nupang bang mipa te heh Sweden le Netherlands ah reek tuar; Portugal ah inn nai lo nupang le mipa hmangkop reek tuar; nupang le mipa kop nupang pakhat heh Portugal ah reek; El Salvador, Kysgyzstan le South Africa ah nupang le mipa naikop te le nupang le mipa hmangkop te heh roh ngaiin songkhat te in zohsuam, sualpui ai reek tuar te tam ngai umh tiin U.N palai in phuang ii.
- U.N in nupang-mipa hmangkop te ca humhimhnak reelcat maan aang tlang
Indonesia le Malaysia ah khai roh ngai in LSBT te heh acozah le mipui lam in zohsuamhnak tuar ti ii. Ahlaice in Muslim ram ah roh ti ii.
Inapui he Thuthan ah Muslim ram hming ngan lo napui he thula buaipuitu te heh Iran, Mauritania, Saudi Arabia, Sudan le Yemen, Nigeria le Somalia te tel tiin phuang ii.