U.S ai Defense Secretary Leon Panetta in, “Iraq ah kum 8 luan raaldohnak heh com hang ii, he ram ah thil thar suak hang” tiin phuang ii.
Iraq ai Baghdad khawpui ai vanzuang khophmun ah U.S raalkaap te in Iraq an suakhnak program hmang tlang ai he caan eh Defense Secretary in phuanghnak ii. Cen, Joint Chiefs of Staff Army Gen. Martin E. Dempsey in khai Saddam Hussein san an tun tian ai U.S raalkap te pumpehnak vum ah upathnak pe ai U.S thantar khai ban ah a hrek ah tar ii.
Defense Secretary in tun ai U.S dinhmun ah thuanthu ah caamm hlen tuh tiin reel ii.
Iraq ai buaihnak maan Iraqi mipui heh 100,000 le U.S raalkaap 4,500 te thi zo ai, Iraq mi 32,000 dung le American mi tam ngai in hliam tuar ii. Iraq ah raalkap heh million khat dung umh zo ai buaihnak pan dung an tun tian U.S in $ 1 trilion dung bo ve ii.
Tun hlan kum 3 dung ah Iraq an U.S raalkaap heh 140,000 dung lel ruai zo ai raalkaap 5,700 dung ian taang ii. He a taanghnak raalkaap te khai Kuwait lam ah kuat tum ai Kuwait heh Saddam Hussein in Iraq Raalpui vai khathnak 1990 kum dung ah kaap awnghnak ram ii.
2011 kum Christmas hlan ah U.S raalkap veksen heh Iraq an suak ruai sek tuh ai a hlan ah tu December 31 hlah ah tlung ruai tumhnak awng ii.