December 18, 2011
[portfolio_slideshow]
Iraq an a hnawta ber U.S ralkap heh December 18, 2011 mipui nia ah suak ai kum 9 dung raldohnak hetin com ruai le American mi 4,500 le Iraq mi thawng tam roh nunhnak liam zo ai he ram ukhnak heh buai roh de ii.
Iraq ram ah raldohnak heh March 2003 kum ah President Saddam Hussein dohnak in pan awng hnak ii ai Arab ram veksen tian in he ram in buairuai ii.
A hnawta ber U.S ralkap heh U.S ai MRAP motor 100 dung, ralkap 500 ten phurin Iraq an Kuwait ramri lam zu tlang ii.
Motor horn te tum kongin American ralkap motor 25 heh thilphurhnak motor te thawn Nipui nia zinglam ah Iraq ramri kaan ai ralkap hrekkhat iang kong in Iraq ram suahsan hang ii.
Hetang fangin Iraq Prime Minister Nuri al-Maliki ai Shi’ite pawlkom in hoihnak acozah khai a ram song ah Shi’ite, Kurdish le Suni party te thawn naper tlang tuh dan buai tlang teng ii le Iraq heh Sunni Arab ram te le Shi’ite Iran te ai thunaihnak karlak ah buai teng ii.
Iraq ah Sunni Islam ral le Shi’ite Islam ral te ai dohnak heh nisiar tawk tio Iraq acozah tian he Islam ral te in buai ruai tio de ii.
Hetin Iraq heh amah niu in ukhnak nai pan napui ralkap le ralthuam lam ah cak lo maan U.S ralkap thawng zaimaw zat amah te ralkap te zirhtu tuhin daihhnak umh napui tun tian fumfe in reltlang thil lai lo ii
U.S le ramdang company te in Iraq heh khangso tuhin roh ngai in bawm teng ii. Iraq heh laivum ah Zinan (Oil) suak tam ber ram pali (4) hnak ram ii.