Laivum ah Britain ram heh nu le pa khim loin innsang nai tam ber ram pakhat ii. Naupang 100 song in 20.8 dung heh nu / pa nai loin innsang ah khang thu Daily Mail in Eurostat dinhmun a reelhnak ah phuang ii. Innsang khim loin fanau nai tam ber ram te tu Estonia, Latvia le Ireland ram te ii.
Spain ram ah naupang 100 ai 7.1, France ah 13.5 le Germany ah 15.1 in nu maw pa tel loin naupang te innsang ah khang ii. Ireland ram tu naupang 100 ah 23.2 heh nu maw pa nai loin innsang ah naupang te khang ii.
Patricia Morgan, mithiam heh kum rai thah innsang dinhmun le acozah ah siah pe dan thula zingzoitu ii. Amah in “Tun ai nu le pa nai lo fa tam hmun ram dinhmun siik in Siah (Tax) pe kuldan le acozah bawmhnak ngahdan lin thil ii. France ram ah, acozah ah daan bangin naidun lekhaw acozah in bawm ii. Germany, Holland le Italy ah naidun aii umtlang nupa heh acozah ah siah pe tlawm ai naupang te tian in siah luat ruai ii. Sweden ram ah tu nupa umtlang heh acozah ih zai khai bawn sah lo ai nu le pa khim lo innsang ca khai acozah in ruat sah hnak nai cuang lo ii, acozah in na per ruai hrim ii.” ti ii.
UK ai Christian NGO pakhat in, “Acozah in innsang ah nu / pa tel loin umh heh lungkhim sawn” ti ii. Zaimaan tifangin innsang ah mi pakhat ian umh te in innsang ah koppui nai lekhaw /( nupui/pasal) nai lekhaw acozah hnen an bawmhnak ngah lo ii. Hetin acozah in innsang ah nu le pa umh heh daih sah lo sawn in cang ii. Nu maw pa ian in innsang ah fa nai in umh te sawn heh acozah in bawm/siik sawn maan in innsang ah nu le pa khim loin Britian le Europe ram ah nau tam ngai suak hang ii.