Jan. 4, 2012 nia zanlam ah Thantlang khua ah acozah thawn remhnak thu reeltlang tuhin Chin National Front (CNF) ai palai te hleng le mipui 3000 dung in caang ti ii.
CNF ai Joint Secretary General Dr. Sui Khar tu Chin state khawpui Hakha ah feh teng ii. CNF palai te le acozah palai te in Jan. 5-6, 2012 nia ah Hakha ah tawkdun tuh ii.
Chin State acozah lam palai tuh te tu Colonel Zaw Min Oo (Border and Security Affairs Minister) le U Win Htun, U Aung Taung, U Aung Min te i tuh ii. Union Government lam ai palai te khai tel tuh ti ii.
CNF lam palai te heh Chin State acozah ai Peace and Tranquility Committee member te thawn Rev. Dr. Lal Uk konghoihnak in India le Kawlram ramri ah caang ii. A caangtu te lak ah Chin State Minister of Agriculture ai U Van Thawng, Thantlang Township Administrative Officer U Rum Thang le Zomi Baptist Convention General Secretary Rev. Van Thawng Mang te tel ii.
CNF palai te heh Hakha khawpui ah zanlam 4:30 p.m dung ah hleng tuh ii.
CNF ai palai te tu, konghoitu ber Dr. SuiKhar, HC. Ral Hnin, Dr. Salai Ngun Cung Lian, Brigadier General Solomon, U Thetni, U Rokhawma, U Hla Htun, U Ngai Cia Thang, Salai Peter Lian le U Khin Maung Lay te ii.
info