U.S ai Florida ram ah Kawlram Saphai (Rul phunkhat) heh he ram song hmun hla roh roh ah mi tam ngai in tawk ngah ii. Tun hlan ah tipuithuanthum le ti bangdun lo hnak in ram dang ai rul le ramsang dang te heh he ram ah lut thil tuh loin um napui tun tu he ram ai rul i lo hnak Kawlram ai rul, Saphai heh tam ngai hmu pha umh hang ii.
Tun zarh song niu in mithiam te in a phuanghnak tu Saphai fa, a suak ngom niu heh tipuithuanthum tii al ah hla khat song nung thil ti ii.
U.S Geological Survey te in Kawlram Saphai fa, a suak ngom 24 heh tii bang dun loin siik cuul ii. Rul hrekkhat tu minung in dinghnak tii pe, hrekkhat tu tipuithuamthum hleng hlan ai tii pe, hrekkhat tu tipuithuanthum tii al pe ii. Tipuithuanthum tii ian pehnak rul te khiah hla 1 song nung ben ai, cia te songin 1 tu ni 200 dung nung ben ii.
Hetin mithiam te in tun hlan ah a ruathnak danglam ruai le tipuithuanthum tii al in ralkhat ai ramsa le nunghing te hleng thil loin a ruathnak dik lo i hang.
Kawlram Saphai rul phunkhat, Python Molurus Bivittatus tihnak heh laivum ai rul ngaw ber te lak ah tel ve ai pi (Feet) 20 tian sau thil ai pound 250 tian rit thai ii.
He Kawlram Saphai rul heh U.S ram ah umh awng lo napui mi te in inn song ramsa vul bangin Kawlram lam ai lang awnghnak in khanghnak ii. Kawlram Saphai hrekkhat heh U.S ram song ah hlat hnak te khai umh zo ai 1990 kum dung pah he ram song ah a ci zaai zo ii.
Saphai rul in ramsa heh ngerh dek in diik dek ai thi ruai le cetin dolh de ii.
Oct. 2011 kum ah he ram ai Everglades song ah Kawlram Saphai feet 16 in Sakhi pound 76 dolh le napertu mi pakhat he rul reek ngah awng zo ii.
Saphai heh minung ca lau kuul leek zo innvul ramsa te hamlak ai sakhi te ca tian laukuul ii.
Kawlram Saphai rul heh Key Largo lam tian ah umh zo ai, kontin he hmun tian hleng thil ai kontin cii zai ben tithnak aaicaan ngai ii.