Jan. 6, 2012:
Chin thuanthu ah hih hlen tuhhnak, Chin National Front (CNF) in Kawlram acozah thawn do dun tuh loin lungkhimhnak (Ceasefire Agreement) heh ni 2 song tawkdunhnak nai ai ni 2 hnak nia ah Chin State khawpui Hakha ah lungkhimhnak sign tlang zo ii.
Ceasefire Agreement heh khat lam le khat lam ai palai upa te in laai ah Sign tlang ii.
CNF lam in hotu Dr. Sui Khar, Acozah lam in Railway Minister Aung Min le Chin State lam in Chief Minister Hung Ngai te in Ceasefire Agreemnt Sign tlang ii. He laai ah Peace and Transquility lam in palai 2 le Chin lam in Khrisfa pawlpui lam pawlkom ai palai te in khai Lingpuitu (Witness) in sign tlang ve ii.
He lungkhiamhnak laai ah hming le Sign ngaan ben hnua ah khat lam le khat lam upa te kut in hnuksat tlang ii.
He laai ah CNF lam in acozah ah thil poimawh a ngenhnak te songin 3 te tu;
1) Matipi, Thantlang le Tedim khua ah CNF in Liaison Office dinh tuh
2) Chin State ai saklam ber le hlanglam ber Tedim le Paletwa ram heh CNF te naperthilhnak ram i tuh
3) He lungkhimhnak laai ah Sign tlang hnua zarh 2 hnak ah CNF le acozahpui (Union Government) te tawk dun tuh
He nia ah songlawi ngai in khat lam le khat palai te zanfak aitlanghnak khai nai tlang ai Chin State acozah ai Cabinet Member te, Chin State Parliament ai member te, Hakha, Thantlang le Falam khua ai upa le palai te, State dinhmun ai acozah naper upa te te tlang ii.
CNF palai te heh Jan. 7, 2012 nia ah Hakha an Thantlang khua ah let tuh ai cetin India ramri lam feh tuh ii.