Tun san ah online in thil lai de ai kut in siar kulhnak tangka hmang lo tete hang. Cen dawr ah thil lai fangin credit card le debit card te hmang tam ber hang. He bang card hmang fangin card hmangman tlawm niu niu in bank ai nai cia hnak tangka song in lang tio de ii.
Company le sumpaihnak lam naper tam ngai in hetih bang card hmang fangin a hmangman heh tlawm niu niu in lin lo niu in bo tio heh com ruai tuh daan ruat tlang hang.
UK Treasury Minister, Mark Hoban in “Briton (British mi) te tu card hmang man thup niu in tangka bo tio heh a rim a kham hang ii. Kin in khai he thil heh com ruai tuh daan ruat hang ii.” ti ii.
Hetih bang ai Credit le Debit Card hmang man bo tio kul lo hnak daan heh 2012 kum bo dawn lam ah bawn tuh ai 2014 ah European Union ram hmuah ah he daan hmang thil tuh ii.