Kawlram ah acozah party do ngamtu ber National League for Democracy (NLD) in Office hong thil hang le By-Election umh leh tuh hnak ca Kawlram ah Campaign thil hang ii.
Dec. 23, 2011 ni ah NDL hotu Aung San Suu Kyi in Kawlram khawpui Naypyidaw ah feh le a party, NLD heh April 1, 2012 nia ah nai tuh hnak By-Election ah tel tuhin pawlkom luthnak Register bawn zo ii.
NLD ai Party Register hnak Number tu 47/2012 ii. NLD in party thantar le zuk te khai acozah hnen ah ngenhnak bangin hmang thil hang ii.
Jan. 11, 2012 hlan ah NLD in candidate tuh hming te heh NLD central executive committee (NLD CEC) ah pe kuul le NLD CEC in candidate te hlir tuh ai a tling te in constituency ah dinhmun co tuhin zuam thil tuh ti ii. Candidate te heh nupang, mino le amah te bendaan te siik in NLD CEC in riil tuh ii.
Jan. 16, 2012 nia hnua lam pah Suu Kyi heh Rangoon khuapui an sumpua lam Kawmoo constituency ah a party NLD hming in Campaign pan tuh ii.
NLD in 1990 kum election ah Kawlram pum ah vote in nehhnak co awng napui tunhlan ai ralkap acozah in he party ah thunaihnak pe hiam lo awng ii.