Karen National Union (KNU) le Kawlram acozah thawn remhnak bawn zo thula ah thubuai umh ii.
Jan. 12, 2012 nia ah KNU ai Vice Chairman in KNU le Kawlram acozah in remhnak bawn zo tiin thuthang thula ah tun tian cia bang remhnak bawn lai lo tiin Karen News thuthang ah phuang ii.
Saw David Thrackbaw, KNU Vice-Chairman in,”Kawlram Railway Minister Aung Ming in acozah aiawh le Karen National Liberation Army (KNLA) ai General Mutue Sae Poe te in acozah thawn remhnak bawn thilhnak nai lo” ti ii.
Saw David Thrackbaw in Railway Minister in thuthang ah Karen thawn remhnak bawn zo tiin a phuanghnak heh a lingthiam lo hnak thu zawt ve ii.
Hetin KNU Vice-Chairman in Karen le Kawram acozah karlak thula a phuang hnua ah Jan. 13, 2012 nia ah KNU ai General Secretary Naw Zipporah Sein, KNU ai Peace Committee in acozaht remhnak laai ngaan tlang hnua ah acozah thawn thu reel tlang kul beet thu phuang leh ii.
Naw Zipporah le konghoitu te hrekkhat te nia mania ah acozah palai tet hawn Pa-an khua, Karen State ah pon dun ti ii. Acozah thawn State dinhmun tian lungkhimhnak laai ngaan tlang zo ai, tun hnua ah thil tam ngai reel tlang kuulhnak nai tiin Zipporah in phuang ii.
Jan. 12 nia ah KNU palai 19, General Mutue Sae Poie le Padoh David Taw te in acozah palai te, Railway Minister Aung Min in hohahnak te thawn thawn State dinhmun (Level) tian acozah thawn remhnak (Ceasefire) bawn tlang zo tiin phuang ii.
KNU lam in thil p0imawh 11 heh acozah hnen ah ngen ai, cia te heh Kawlram pum huap acozah thawn remhnak reel tlang leh tuhin ngen ii. A ngenhnak te song ah amah te ram le miphun ca humhimhnak, nuncakhnak, khangsohnak te, acozah in mipui te hmang in naper ruai tio hnak te pawl, mipui te hnen ah siah a khon tio hnak te pawl com ruai tuh te khai tel ii.
KNU le acozah te in Oct. 9, 2011 nia ah Thailand ah tawkdun ai, Nov. 19-20, 2011 nia le Dec. 21, 2012 nia ah khai tawkdun zo ii.