Jan. 14, 2012 nia zanlam 9:35 pm dung ah cruise lawng Costa Concordia heh Italy ram ai tipui hiang Tuscan ah tii hnia ai lungto khing ngah le tikap ah pil ii.
He siattawk maan mi 3 thi zo le mi 60 -70 dung te heh tun tian tawk lo in umh le a dang te tu ao ngah ii.
He Costa Concordia lawng mawi le to hiam roh heh Italy ram an zanlam 7 pm dung ah tipui lam ah suak ii. Tipui kap in a suak hnua nazi 2 dung ah lawng heh tipui kap ah taang ai sawn le maitha (Electric) te khai hnawm sek ai tipui ah a hrek pil in umh lio ii.
Lawng a pil dawn fangin he lawng in a hiang ai te hnen ah bawmhnak ngen lo ai nun aohnak lawng niu niu he lawng ah hlat fangin suah vut thil loin roh ngai in buai ii. Ciamaan lawngto te heh lawng niu ah to man loin tipui ah dawp te khai tam ngai umh ii.
Italian news agency 1 in he lawng ai mi 4,2234 song ai 4,165 te tu ao ngah napui a dang 69 te heh tun tian tawk lai lo ti ii. Laai ai a hmuhnak lawng ai minung umhzat heh dik lo thai ai cia hnakin tam khai i thai ti ii. Mithi a tawk zo hnak te lak ai 1 tu kum 65 mi ii ai zan lak ah tipui dap ze in tuar loin thi hnak ii. He lawng ah American heh 129 tel ti ii.
He lawng hiam roh heh zan 1 to man khai £1,200 dung tian inapui tipui ah a pil fangin mi veksen heh nunaohnak tuh hnipon sil ruai in he lawng in suak ruai sek ii. Helicopter in khai mi 50 dung heh ao ngah ii.
He lawng heh nuam niu niu in sawn te te ai zinglam ah tipui kap ah langlet dawn in umh lio ai a khat lam heh tipui ah pil sek ii. He lawng ai luat te in Titanic lawng pil lai movie ai kin siik bang thiah tiin reel ii.
Costa Concordia (Italian pronunciation: [?k?sta ko??k?rdja]) heh Concordia phun lawng ii, Costa Cruises in kilkhawlhnak ii. He lawng heh Italy ai Fincantieri ai Sestri Ponente lawng bawnhnak hmun ah dinhnak ii. A hming heh European ram te thawn cat loin lungrualhnak, lungrualhnek le hnangamhnak tih canca ii.
Concordia lawng phun lak ah he lawng heh a hmasaber lawng ii. He lawng hnua ai dinhnak lawng te tu Costa Serena, Costa Pacifica, Costa Favolosa, Costa Fascinosa Carnival Cruise Lines ca bawmhnak Carnival Splendor lawng te ii. Costa Concordia heh 2006 kum July ah tipui vum ah vaak pan ii Italy ah bawmhnak lawng hmuah hmuah ah a ngaw ber ii awng ii.
He lawng heh a saulam 290.20 meter (952 feet 1 inch), a ngawlam le a kaulam tu 35.50 (116 feet 6 inch) x 8.20 meter (26 feet 11 inch) ii. He lawng in Wärtsilä diesel engines hmang ai 75,600 kilowatts (101,400 hp) tha nai le nazi 1 ah 36.3 km in tii vum ah feh thil ii.at 19.6 knots (36.3 km/h).
Costa Concordia lawng in khaan (Cabin) 15,00, bulpaak (Private) inn hmai tualzawl 55 le tiksa mawi ruaihnak le paarhnak Samsara Spa heh 55 nai ii. Costa Concordia in tipuithuamthum ai lawng lak ah hardamhnak le salhnak hmun kau ber naitu ii. Samsara Spa heh 6,000 m² in kau ii. Lawng ah tileuhhnak tikhur 4 le salhnak le hiamhnak lam phuncang in dim ii.
Lawng ah rongdawr 5, milian zanfak aihhmun Club Concordia le Samsara te khai umh ii. Zudawr (Bar) 13, cigar le cognac dawr le coffee le cholate dawr te khai umh ii. Naupang te hiamhnak le salhnak lam phuncang khai umh ii.