Japan International Cooperation Agency, Japan External Trade Organization (JETRO) le Japan Overseas Development Corporation (JODC) te in Kawlram acozah hotu te thawn tawkdun ai sumpai thawn napertlang tuh daan te le sumpaihnak lam ah ram kau ruai te te tuhin lungkhim tlang zo ii.
Acozah hotu pakhat in tu Japan te thawn tawkdunhnak ah lungkhimhnak laai ngan tlang lo tiin phuang ii.
New Lights of Myanmar thuthang ai MouUs laai ah Directorate of Investment and Companies Administration le JETERO – Yangon (Rangoon) le Mynmar Rural Area Energy Development Committee le Jpan ai New Energry and Industrial Technology Development Organization (NEDO) te thawn lungkhimhnak te tel ii.
Jan. 11, 2012 nia ah Kawlram ai Electric Power ai Minister Khin Maung Soe le NEDO te he lungkhimhnak a bawn tlang hnak bangin naper tuh daan te reel tlang zo ii.
NEDO in, Kawlram in tun hlan kum 20 hnakin a letin3 in maitha hmang hang ti ii. Kawlram acozah in 2020 kum fangin maitha heh hmang leh thilhnak maitha pawl (renewable energy) hmangin bawn tuh hang tiin NEDO in phuang ii.
Tun teng ah NEDO in Bagan le Nyaung Oo Township le Mandalay lam ah laihnia tii lang tuhin co teng ii.
Japan ai Official Development Assistance (ODA), maitha lam zirhnak le mithiam te khangso ruaihnak pawlkom in Kawlram ah Ni (Solar) le Tii (Hydro) hmangin maitha bawndaan te tawlrel pui tuh tiin Union of Myanmar Federation of Chambers of Commerce and Industry (UMFCCI) ai General Secretary Myint Soe in reel ii.
JETRO in tun ah Kawlram ah motor thilri te, rong, lofaang lam le hnipon lam thilri te khai bawn teng hang ii.
Japan ai Minister Edano in Kawlram President Thein Sein le Kawlram ca Democracy buaipui tu hotu Aung San Suu Kyi te khai zarh hmasa ni 4 song Kawlram a tlawnhnak ah tawk ii.