Tun teng Kawlram acozah ralkap le Kachin Independence Organization (KIO) te heh tawng dun teng ii.
Hpakant (Hpakan) hmun ah KIO le acozah tawng dun hnak ah acozah ralkap te in mipui khai roh ngai in harsahnak bawn ii. Jan. 15, 2012 nia, zinglam 9 am dung ah Lawng Hkang le Ginsi karlak, Hpakant township hmun ah acozah ralkap in Seng Ra khau thar heh kaap dek ii ai maithal nai lo mipui lam mi 2 thi ii. Hetih ai acozah ralkap te in a kaaphnak heh he hiang dun ai lamkhong ah acozah ralkap te heh KIA (Kachin Independence Army) te in bom a tawihnak puak in hliam a tuar maan tiin reel ii. He khua kaaptu ralkap heh Kathar ai Light Infantry Battalion No. 309, Northern Regional Military Command hnia ai te in kaaphnak ii. He khua ai mi 4 khai roh ngaiin hliam tuar le hospital (Sizung) ah koih ii.
Jan. 11, 2012 nia ah acozah ralkap te in Kachin tlawng saya pakhat Mangshang Wing Wang le a naunu heh kaap tuar ai, a kaaptu heh Waingmaw ai Infantry Battalion No. 58 ai ii. He nupang 2 tu thi loin roh ngai in hliam tuar ii.
June 2011 ah pah KIO le acozah tawndunhnak ah acozah ralkap te in roh ngaiin hliam tuar ve tiin KIO lam in phuang ii.
KIO in a kaaphnak maan tun heh acozah lam in mi tam ngai, a thawng dun tian in hliam tuar zo hang, acozah lam in phuang in phuang leh tuh tiin reel ii. KIA ai ai Alen Bum hmun ai KNG thuthang in he ram ah tawngdun in KIA mi 100 thi zo ti ii.
KIA ralkap te lamvaak kongin lailung ah acozah ralkap thi phum menma hnak tam ngai tawk ngah de ti ii. Acozah in naupang niu niu khai ralkap ah lut ruai le raaltawng hmun ah hmailam ah hlat de ai hliam tuar te khai pha ngaiin siik sah de lo le hmailam ah hlathnak te thula khai inn lam ah thula than loin dah de ti ii.
Kachin lam in naihhnak hmuah suah in acozah ralkap tawng teng ii le acozah ralkap in khai tun tian KIO ram heh lang thil lai lo ii.