18 Jan 2012 11:44:40 -0800 (PST)
[portfolio_slideshow]
Falam Social and Development Asssociation (FSDA) in Falam township ai nitlaklam Rih Lamkhong heh a kau sawn in sial tuhin tumtahhnak bangin Jan. 18, 2012 nia, Kawlram nazi 10:15 am ah Chin State Chief Minister Pu Hung Ngai le minister dang 4 te thawn Rihkhawdar khua hlun ah lamkhong sial honghnak bawn zo ii.
Rihkhawdar khua hiang ai khua dang le mikhual te khai kawi bial ai mi 480 dung ih he Rih Lamkhong Sialhnak honghnak program ah tel tlang ii.
FSDA ai Joint Secretary Pastor Thawngbik in program awh le program pan hnua ah Chief Minister Pu Hung Ngai le PWD Minister Pu Ngun San Aung te in thucah reel ai Lairam ah motor lamkhong pha kin poimawhzia te reel ii.
FSDA ai Chairman Pu Lal Tin Mang in Falam-Rih lamkhong heh kum rai roh hnawm zo ai rem a kuulhnak le Committee in naper kuuldaan te khai reel ii.
Rev. Thawng Sian Pau in Pathian thu thawn thazang pekhnak nai ai FSDA Vice Chairman Pu Lian Luai in Falam-Rih Lamkhong honghnak ai a kawitu veksen hnen ah aanghnak thu saal ii.
Falam-Rih Lamkhong heh tun ai a tumtahhnak bang i lekhaw a kaulam feet 24 i tuh ai Jan. 18, 2012 nia zanlam 12:30 pm pah Pu Khuang Luai ai JCB 2 hmangin co pan hang ii. He tumtahhnaknaper ca ramsong le rampua ai Falam peng te sumpai tam ngai thawn bawn tlanghnak ii.
Falam-Rih Lamkhong heh sial tuhin a hampantu heh Falam Development Committee (FDC) in hampanhnak ii. Tun dinhmun ai FDC konghoitu te tu:
01. Pu Khuang Luai (President)
02. Pu JH. Lal Sang (Vice President) – Aizawl
03. Pu Lal Hnin (Member) –Aizawl
04. Pu Sa Lian Thio (Member) – Aizawl
05. Pu Van Lal Ring (Secretary)
06. Pu Kei Luai Thang (Finalcial Secretay)
07. Pu Tha Hlei Khuai (Chief Advisor)
08. Pu Sa Tin Luai (Members)
09. Pu C.Lian Kung(Members)
10. Pu Lal Ceu (Members)
11. Pu Lal Ri Thang(Member)
12. Pu Lal Hriat Pui(Member)
FDC in Falam-Rih Lamkhong sial tuhin sumpai thawh tlang pan hnua ah ramsong ai Falam peng te in khuaruathnak nai ai Dec. 12, 2011 nia ah Falam khua ah meeting-hnak nai le Falam Social Development Association (FSDA) dinh ai Falam-Rih lamkhong heh ramsong lam in khai buaipui tuhin tum tlang ii.
FSDA dinh fangin konghoitu te tu:
FSDA Board of Directors:
Chairman: Pu Lal Tin Mang
Vice Chairman 1: Pu Khuang Luai
Vice Chairman 2: Pu Lian Luai
Secretary: Saya Salai Tuak Sang
Joint Secretary 1: Pu Ca Awi
Joint Secretary 2: Pastor Thawng Bik
Members:
Rev. Khaw Tin Ling
Rev. D. Vai Lian Zul
Rev. Biak Cawm
Pu Hrang Lawm Thang
Pu Mi Za Eng
Pu Sa Lian Khum
Pu Thang Kio
Pu Ngun Lian Thang
Pu Ngun Thawng
Finance committee:
Pu Ngun Luai (Hotu)
Mai Par Sui
Salai Sui Hluan Thang
Patron:
Pu Tial Luai (Chairman, Khaw Nupa)
Rev. Dennis Ngun Thawng Mang (GS, ZBC)
Rev. Dr. Law Ha Ling (Principal, ZTC)
Rev. Kam Tlung
Rev. Filip Tlei Thuan (AGS, FBA)
Auditors;
Sayama Nu Thang
Pu Mang Lian
Pu Van Lian Khup
Falam-Rih Lamkhong ceek thil tuhin Pu Khuang Luai in Chin State Chief Minister Hung Ngai hnen an sianghnak laai lang in hetin naper zianzo ii.
info