All Burma Student’s Democratic Front (ABSDF) in Kawlram acozah thawn remhnak bawn tuhin lungkhim zo tiin ABSDF ai Vice Chairman Myo Win in Jan. 17, 2012 nia ah phaung ii.
ABSDF ralkap a tam sawn heh Karen National Union (KNU) te ram song ah umh ai battalion 9 khim ii. Tun dinhmun ah KNU in acozah thawn remhnak bawn zo ai KNU ram song ah ABSDF ralkap te umh thil tuh lo lekhaw acozah thawn pehzomhnak nai lawlaw thai le tlangram ai umh miphun te ca poi thai tiin phuang ii.
ABSDF lam in acozah thawn pondun tuh lekhaw hlaihdanhnak umh loin lungrualhnak daih ii ing tiin reel ii.
Acozah thawn tawkdun hnak tuh hmun tu ABSDF in reel tlang tuh ti ii.
ABSDF heh 1988 kum ai democracy daih maan Kawlram ah tlawngta te in buaihnak so hnak in suakhnak te in dinhnak ralthuam hmang pawlkom ii. Tun heh he ralkap te heh ramsong le rampua ai member te thawn thu rawn duh tuh ti ii.