Kachin Independence Organization (KIO) in Kawlram acozah thawn tawkdun tuh lekhaw a hmasa in Politics thula reel ben hnua ah remhnak reel tuh ti ii.
KIO ai rualpui Karen National Union (KNU), Karenni National Progressive Party (KNPP), Chin National Front (CNF), Restoration Council of Shan State / Shan State Army (RCSS/SSA) te tu acozah thawn remhnak bawn hmasa zo napui cia te bang loin fehpui ii.
Tun dinhmun ah acozah ralkap in KIO heh roh ngaiin tawng le KIO hmunpui Laizo neh lio lekhaw ralkap heh India le China ramri ah dah tuhin tumtah ii. Ramri ah KIO umh lekhaw India le China in kontin ti tuh tihnak zong ruat pha umh ii.
June 9, 2011 nia pah KIO le acozah in tun hlan ai remhnak a bawn cia hnak cat ruai leh ai tun tian acozah thawn tawngdun ii. Remhnak a cat hnua pah acozah thawn heh a hnawta ber a tawkdunhnak tu 18-19 Jan. 2012 nia ah ii.