China ai Sunway BlueLight supercomputer heh amah te ram ah amah te thiamhnak rori hmangin bawnhnak ii. He supercomputer inn second 1 ah 1,0000 trillion thil siar (Calcualte) ben ai tun heh official in hmang hang tiin China in phuang ii.
He computer heh laivum ah a cak ber i hang ai China in National Supercomputing Centre, Jinan khawpui nisuaklam, Shandong province ah dah ii tiin Xinhua in phuang ii.
He computer heh Sept. 2011 ah dinh ai he hlan ah hla 3 song hmang cuul hmasa ii. Laivum ai computer cak ber suakhnak U.S le Japan hnua ah China heh a naitu 3hnak ii. China ai heh amah te ram ai thiamhnak rori in bawnhnak ti ii.
He computer heh National Research Center of Parallel Computer Engineering and Technlogy in bawnhnak ii, Sunway BlueLight heh China ca thiamhnak lam ah roh ngai in khangso ruai ai computer hmangin cak rohin naper thil hang tiin phuang ii.
Sunway BlueLight in science lam, sumpaihnak lam, tipui lam, sii lam, ceet lam le sumpai dinhmun buaihnak zingzoihnak tuhin tam roh khangso ruai tuht i ii.
He computer in tipuithuanthum hnia meter 5,500 ai tii le lailung umdaan te khai pha ngai in zingzoi thil tiin he center ai assistant director Pan Jingshan in reel ii.
He computer heh a sang lam meter 3 tia bawm 8,704 thawn China in bawnhnak computer Shenwei microprocessor 1600Â te hmangin dinhhnak ii. China ai heh laivum ai computer cak ber 20 lak ah a cak ber i hang.
Tun ai heh U.S ai Jaguar Supercomputer hnakin a let 74 in cak ai power khai hmang tlawm sawn ti ii.
Sunway in power heh megawatt 1 dung ian hmang ai US ai Jaguar tu megawatt 7 dung hmang ai a ceet dap ruai hnak te khai pha roh ti ii.
U.S ai Department of Energy Advanced Scientific Computing programme, Los Alamos National Laboratory ai consultant Steve Wallach in,”China ai supercomputer heh a danglamhnak ber tu a hmanghnak ceet thilri heh amah te ram in bawnhnak rori hmang ii, China ai computer hrekkhat tu ram dang ai ceet te hmang ii” ti ii.