German ai kawlpawhnawi company Müller Group in UK ai Robert Wiseman Dairies heh €338 million (us$428 million) in lai zo thu phuang ii. Robert Wiseman Dairies heh Britain ram ah kawpawhnawi bawntu company ngaw ber ii.
“Müller Group ai board member te ai Robert Wiseman Diaries te in tun bangin lungkhimhnak bawn tlang thil maan aang ngai ii ing” tiin phuang ii.
Robert Wiseman Dairies heh UK ah napertu mi 5,000 nai ii. 2010 kum ah UK ai kawlpawhnawi zuarhnak hmun 3 ai hmun 1 heh he company in bawnhnak i awng ai, sumpai khai €1 billion (us$1.27 billion) hnakin tam sawn hlawk ii. He company ai naihnak a hrek dung heh Germany in pehnak lungkhim in zuar hang ii.