Iran thawn buai roh kongin American vanzuangphurhnak raldohnak lawng heh Strait of Hormuz tipui kaan in Persian Gulf ah lut hang ii.
US ai vanzuangphurhnak lawng USS Abraham Lincoln heh Jan. 22, 2012 nia ah Strait of Hormuz tipui heh humhim kuul loin tluang ngaiin lut ai Persian Gulf tipui ah hleng zo tiin Cmdr. Amy Derrick-Frost in phuang ii. Derrick-Forst heh US Navy ai Fleet 5-hnak, Brahrain ai Gulf hmun ai thuphuangtu ber ii.
U.S ai ralkdohnak lawng te heh Gulf ah vai tam ngai vaak te ai a hnawta ber vanzuangphurhnak lawng USS John Stennis heh Dec. 2011 ah Gulf in a suak fangin Iran in Gulf ah US ai vanzuang phurhnak lawng lut leh tuh loin ralringhnak phuang zo ii. Inapui le tun naai ah U.S vanzuangphurhnak lawng lut le maan U.S in tunhlan bang pahin he hmun ah mer hlen ii.
Tun naai ah Iran in laivum in Iran vum ah sumdawnghnak lam kham sah tuh thula ah ralkap hmangin Gulf luthnak Strait of Hormuz tipui heh kham tuh tiin ralringhnak phuang zo ii.