Turkey ram in Iran ai thilphur motor 4 pom ngah le he motor ah missile bawnhnak thilri te phur ii. He motor te heh Turkey ram song Kilis province ah pom ngah ai Syria ram ah Iran in kuat tuh hnak ii. Jan. 10 nia ah khai Iran motor ah missile bawnhnak thilri te heh Syrian le Turkey ramri ah pom ngah zo ii.
Tun ai a pom ngahhnak motor 4 te heh Custom te pawl in pom ngahhnak ii. He motor te heh Turkey ramsong a lut fangin police te hnen ah tangka pe le vaan zianzo thil hnak tiin ling leh ii.
Turkey in he motor ah meter 6 in sauhnak thir pum tam ngai, missile bawnhnak pawl phur tel ti ii. Cen motor 3 ah thil puakthai Sodium Sulphate ton 66 phur ti ii.
He motor te heh Iran ram an Syria ram ai Aleppo khua ah savum thilri kuathnak tiin acozah laai ah thunhnak ii.