Kawlram acozah le Kachin Independence Organization (KIO) te in tun zarh song ah China ram ah tawkdun tuhin lungkhim tlang hang ii. KIO le Kawlram acozah tawkdun tuh thula heh tawkdun tuh hmun ah buai tlang le hnawta ber ah China ram sawn ah tawkdun tuh i hang.
Kachin lam in U Aung Thaung le member mi 9 te heh Sumlut Gam hohahnak in tlawngkai nili nia ah tawkdun tuh tiin Kachin thuthang in phuang le China ram ai Yunan Province ah tawkdun tuh ti ii.
President Thein Sein in Democracy hmang thil tuhin thleng kuul hnak naper te le ram nai miphun te thula te a phuang hnua zarh khat hnak ah tun bangin KIO thawn tawkdun tuh thula suak ii.
Thailand ai United Nationalities Federal Council (UNFC), Chiangmai ai thureeltu palai Dr. Lahkyen La Ja, General Secy. KIO in tunhlan ai remhnak a bawn awng hnak bang heh remhnak suak thil lo ai cia hnak ah KIO ram an acozah ralkap te heh lel sek sawn selai cetin laivum in lin rori in thu reel tlang sawn selai, tiin reel ii.
President Thein Sein in 2008 kum ai daan thar bangin KIO thawn remhnak bawn tuhin reel ngio le KIO lam in 2008 kum ai bawnhnak daan hmangin thu reel tuh lungkhim thil lo ai cia heh thuhampui i lo tiin eel ii.
KIO lam in Panglong Daan ai thu te hmangin thu reel tuh ti ii. He thula ah Kawlram democracy hotu Gen. Aung San le a fanu Aung San Suu Kyi te in Kachin, Chin le Shan upa te thawn thureel tlang awnghnak heh phorh tuh ti ii.
March ni 1 nia ah President Thein Sein in Panglong remhnak thula reel lo napui rampum ai ram nai miphun te thawn remhnak thu zong reel ii.
National League for Democracy party hotu Suu Kyi khai bi-election ah tohkham cuh tuh ve maan Kachin ram ah Feb. 24 nia ah hleng le thu reel ai cetah Panglang ai thula hmangin rem kuul tiin reel ve ii.
January hla pah KIO le acozah ralkap te heh vai 90 hnakin tam sawn kaap dun ngah zo thu KIO ai Deputy Gen. Secy. 2 Lah Nan in reel ii.