February hla bo lam pah Australia ram ah thawng tam roh Palak (Bat) hleng bial ai he ram ah urhnak siava hleng thai tiin mithiam te in ralringhnak phuang ii. Australia ah khua pakhat heh palak 250,000 dung in tuam sek ai he palak ai urhnak (disease) heh minung lakah hleng thai tiin lau tlang ngai ii.
Centre for Disease Control (CDC) in Australia ai Katherine khua ai mi te khiah cang thil tawp in palak lak in tlaan tuhin ralringhnak phuang ai he palak te in Australian Bat Lyssavirus keng ti ii. Palak in minung kai maw a tin in huat ngah lekhaw minung ah he virus lut thai ti ii.
Australia ai saklam Darwin khua an 300 km dung ai salhnak hmun khai acozah in khaam ii. Tun ai palak heh a san (red) pawl ii le van ah a dim in zuang li ii tiin BBC ai Phil Mercer in phuang ii.
He khua le ram heh palak te ca rong ai pha suak maan khai i thai ai amah te omhmun ram khiah nikhua danglamhnak maan he hmun ah thawn tlang khai i thai tin BBC ah ramsa lam mithiam John Burke in phuang ii.