Feb. 23 nia ah Naypyidaw ai Zabu Thiri Township ah acozah lam in Naypyidaw ram song ah National League for Democracy (NLD) hotu Aung San Suu Kyi in campaign a vakhnak a hluntu umh lehaw cia te heh electric (maisa) pe tuh lo hming cazin/list ah dah tuhin hriing ii.
He khua in electric nai lai lo ai, bawn sah tuhin acozah lam in tawlrel teng ii le thunaitu ber party heh Union Solidarity and Development Party (USDP) ii. He party in mipui song in electric co tlak innsang hming cazin bawn teng ii.
Cia leek i lo ai he hmun ah NLD in nehhnak co lekhaw aisu in khai electric co tuh lo tih tian in hriing ii.
He hmun ah electric tawlreltu ah USDP party tel maan amah te party te ian pe tum le NLD ah vote-tu te heh pe tuh lo tiin mipui te hnen ah thu thang ruai ii.
Cia leek zo lo, “Naypyidaw Township ah NLD in campaign a vaak fangin NLD ai poster le laai taarhnak te khai lamkhong ah ziik sah sek ai laihnia ah lon sah ii” tiin he hmun ah NLD palai in phuang ii.
Suu Kyi in Naypyidaw constituency ah parliamentary seat 4 ngah tuh in cuh tum ve teng ii.