Dear unau veksen
Kawlram ai um kin Zanniat khangthar te ca Singapore ah tlawng kai tuhin ning daih sah ing.
Zaimaan?
1) Singapore heh laivum ah ram muang ber le ram cianghlim ber song ah tel ii
2) Laivum ai ramkhangso ber song ah Singapore tel ii
3) Laivum ah fimthiamhnak zirhnak (Education) pha ber ah Singapore heh lar ii
4) Laivum ah Banking System ah Singapore heh laar ii
5) South East Asia ah Singapore heh khangso ber ai Western dinhmun in khangso ii
6) Singapore heh laivum ai Sumpaihnak (Business) ah thiam ber ah tel ai laar ii
Singapore ah Tlawngkai ben lekhaw?
1) Singapore ah Polytechnic Diploma ben le sikhaw a ram ah Permanent Residency (PR) na pe tuh
2) PR ngah lekhaw Singaporean te bangin zalen ngai in na per thil, hlawh khai pha ii
3) PR ngah hnua ah Singapore ah naper in kum 3-4 dung ah Citizen (Ram mi ihnak) ngah thil ii
4) Singapore Passport nai te in US, Australia le Western ram ah VISA kuul lo/harsa loin US Passport bangin tlawn thil ii
5) Singapore Degree le Passport nai lekhaw US, Canada le ram khangso ah laai zir beet thil, naper thil ii.
Kontin a ham pan tuh?
1) Kawlram ah a niam ber phun 10, Mark pha ngai in ben tuh
2) GCE O Level test ah Mark pha ngah tuh. O Level ah English le Mathematics tel teng teng tuh, Mark pha ngah teek tuh. O Level heh Kawlram mi ca Singapore ah tlawng kaihnak tuhina a niam ber dinhmun ii.
3) Kawlram Passport nai tuh
4) Kawram ai kin tlawng benhnak Marksheet heh English in let/translate cia nai tuh
5) Singapore in tlawng Admission a hong caan ah Apply teek tuh.
GCE O Level heh Kawlram ah, Rangoon/Yangon ah zir thil ii. Yangon ai British Council ah khai zil thil.
http://www.sp.edu.sg/wps/
http://www.britishcouncil.org/
Cang thil lekhaw IELTS khai mark pha in ben teek tuh.
http://www.britishcouncil.org/
A vum ai bangin tlawng kaihnak tuh Marks te nai ben lekhaw Singapore ai tlawng zong tuh. Kawlram phun 10 ong ai GCE O Level ben in Singapore ah Degree Course zir ngah tuh harsa ngai ii. Ciamaan a niam deuh Diploma level lang kuul ii. Singapore ah Diploma course heh Polytechnic tlawng ah zir thil ii. High School ben ai College direct in Singapore ah lut hnak tah Kawlram mi ca Diploma level ah lut sawn selai, naper ngah vual ai, kum rai lo niu in naper thilhnak Certificate ngah thil maan thil remcang ngai ii. Singaporean te khai Diploma zir hiam tam sawn ii.
Singapore ai Diploma tlawng zirhnak tlawng heh a tlangpui in Polytechnic tiin ko le a hnia ai website ah zong thil ii.
http://www.sp.edu.sg/
A hnia ai te heh Singapore ai Polytechnic tlawng ii.
Nanyang Polytechnic (NYP)
Ngee Ann Polytechnic (NP)
Republic Polytechnic (RP)
Singapore Polytechnic (SP)
Temasek Polytechnic (TP)
Singapore ai Polytechnic tlawng ah lut thilhnak a daan heh bangdun lo thai le amah te website khiah phaan tak ngai in siik kuul ii.
Singapore ai acozah tlawng ah admission ngah lekhaw Kawlram ah Singapore luthnak VISA heh automatic in ngah cia bang cang ii.
Polytechnic Diploma course heh kum 3 rai ii.
Tlawngkaihnak tuh sumpai?
Singapore ai tlawng pakhat ah Admission ngah lekhaw Singapore a cozah in na tlawng kaihnak tuh sumpai na zawn tuh ii. Tlawng na ben fangin na per kongin rul leh tuh hnak ii. Laai thiam lekhaw acozah ah rul kuul loin Scholarhship khai ngah thil ii.
http://www.sp.edu.sg/wps/
Polytechnic Dimploma ben lekhaw?
Singapore ai Polytechnic Diploma nai ben lekhaw a ram ah ramdang mi ca workpermit hnak tah sang deuh S-Pass ngah thai ii. Cen, Polytechnic Diploma hmang in Singapore ah zalen ngai in na per thil i hang.
Cang thil selai, Polytechnic ben lekhaw University kaai teek pha ii. Polytechnic ben te heh University kaai thil ii. University heh kum 3-4 kaai beet kuul i hang. Singapore ah University Degree (Bachelor) ben te tu dinhmun pha roh i hang. Singapore ah na per thil, Citizen khai ngen thil, Singapore Passport nai thil ai ramdang tlawn thil i hang.
Polytechnic kaai ben lo te ca, ITE:
Singapore ai Diploma course ah Admission nah ben lo lekhaw Certificate course zir thil pah ii. Singapore acozah in pomhnak Certificate tlawng heh ITE (Institute of Technical Education) ii le amah te tlawng rori ah kaai teek pha ii. ITE tlawng heh College tiin ko ii.
http://www.ite.edu.sg/
ITE tlawng heh Singapore ah hmun 3 ah umh ii.
ITE College Central http://central.ite.edu.sg/
ITE College East http://ce.ite.edu.sg/
ITE College West http://www.ite.edu.sg/
ITE tlawng heh Middle School, High School te bang kaai ben lo te ca acozah in mino pawl in fimthiamhnak nai thil teek tuhin a dinhnak tlawng ii. Diploma tlawng tlukin tlawngkai man tam lo ai, acozah bawmhnak khai tlawm ii. ITE ben te in Polytechnic tlawng ah lut thil ii.
Singapore ah tlawngkai tuh fangin ralring tuh hnak:
Kawlram ah Private tlawng heh pha ber de ii. India ram ah khai cia pah ii. Inapui Singapore ah tu acozah tlawng heh pha ber ii. Singapore acozah le Company te in acozah tlawng in benhnak Certificate, Diploma le Degree ian lungkhim ii.
Private tlawng tu Admission ngah baai napui tlawngkai man tam roh ii. Private tlawng in benhnak heh acozah le company te in upat lo ii. Singapore ah Private tlawng phuncang, mawi rohroh pui rohroh umh bial ii. He Private tlawng pawl in ramdang mi te zawl diamdo de ii.
Singapore na lut fangin acozah tlawng pakhat khat ah Admission ngah loin tlawng kai lo ning daih sah sawn ing. Zaimaan tifangin amah te ram ah kin lut veleh acozah ah kin Record umh meng ai cia heh pha lo ii. Private tlawng ah lut in khai a rang thai ber in Acozah tlawng ah lut tum teek pha ii.
Workpermit le Home Maid (Mi Hnenum) permit in Singapore ah lut le sikhaw, a ram ah acoah tlawng kai thil leh harsa roh ii. Naper tuh hrimhrim in lut te heh acozah in Permanent Resident (PR) pe hiam lo ii, harsa ngai ii.
Tlawngkai kongin na per thil:
Singapore ah acozah tlawngta heh acozah in tlawng kai kongin na per siang ii. Private tlawng kai te heh acozah in naper siang lo ii. Ciamaan, kin tu mi harsa kin i maan tlawngkai kongin na per kin kuul le acozah tlawng tengteng kaai tum teek pha ii.
Acozah tlangta te heh Private tlawngta te hnak ah naperhnak ah hlawh khai ngah tam deuh ii. Private tlawngta te tu thup niu in na per de ii. Company dang te hnia sin ah Private tlawngta te heh naper de le hlawh tem roh de ii.
Sawmdunhnak:
A vum ai heh kaimah rori in kum 1 luan Singapore i um hnua ah i tawkhnak le i zonghnak in veksen hnen ah ning reel hnak ing. Singapore ah tlawng kai thil daan lamkhong heh Kawl pawl in ling ber ai Singapore ah Kawl milian tefa zong zong tlawng kai sek ti selai khelh tuh lo ing. Rangoon ai milian te khai Singapore ah umhmun khuar sek ii. Kawlram acoah sumpai heh Singapore Bank ah dah ii. Kawlram acozah heh Singapore ring in umh ve ii. A vum lam ai i reelhnak bangin Singapore ah fimthiamhnak nai ai, he ram ah PR ngah te tu USA, Australia, Canada ram te ot loin zuang ben hluahhlo ii. Rangoon dung ai Kawl milian te tu Singapore ring in ralkap acozah maan harsa tuarhnak heh thupui in dah lo ii.
Kin Chin mi lak ah Singapore heh fimthiamhnak lam khangsohnak tuh le ramdang zuanghnak tuh in hmu baan lo ai mi Hnenumh naperhnak tuh dung le Workpermit hmangin naperhnak tuh ian in ruat de ii.
Refugee ring hlah sing:
Refugee hmangin ramdang feh thilhnak heh pha tete tuh maw remcang lo tete tuh ling lo ii sing. Refugee tengteng in ramdang ah zuang tum hlah sing. Refugee loin Singapore ah US, Australia le Canada lam dinhmun bangin Singapore ah fimthiamhnak zir thil hlen ii khaw. A vum ai i reelhnak bangin Singapore ai fimthiamhnak Degree hmangin laivum kon zong ah vaak thil, nape thil ii.
Refugee in ramdang hleng te tu, kum rai ze ram pha kin hleng hlan ah India le Malaysia dung ah kin caan bo ii. Ram pha kin hleng fangin kin nai cia hna fimthiamhnak heh ring thil lo hang. Zero in pan kuul bang in kin cang de ii.
Singapore ah i rualpui Daniel (A hming pum reel tuh lo ing) heh Kawlram ah Phun 10 ben ai, GCE O Level rori in Singapore ah aisu in khai Sponsor loin tun Engineer Degree ben zo i hang. Nu le pa, unau songkhat in bawm lo rori in Kawlram an Singapore ah University Degree ngah ben ii.
Sumpai le thiamhnak kin nai ta in khai lamkhong ling lo lekhaw hlawhtling thai lo ti bangin, Fimthiamhnak le khangsohnak khai lamkhong reel dun kin kuul tiin ruat ing.
Ciamaan, tun pah Kawlram ai umh kin Zanniat nu le pa le khangthar te in tun ai i reelhnak heh thupui ngai in ruat tuhin ning sawm ing.
Tun hlan ah US VISA & Immigration lamkhong ling te in ram pha ah hleng sek ai unau songkhat ko dun sek ii. Cia hnua Refugee Resettlement & Immigration lamkhong ling te in Refugee in ram pha thawng ram roh hleng ii sing. Refugee in ram pha hleng heh Chin mi ah Hakha unau te khiah a tam ber ai thil tawlrel ben ber ii.
US VISA ngah baai lai thula ling ve lo, Refugee hmangin ramdang feh baai daan thula ling ve lo te tu, ram pha hleng thil lo, mi bangin san man thil loin mi hnuata ah kin taang de ii.
Kin Kawlram khai khangso tete tuh ii le tun pah fimthiamhnak hmangin dinhmun ngah teek zuam tuhin ning sawm ing.
Kin Zanniat unaute ca daihsahhnak thawn
Tluang Kip Thang
Ottawa, Canada
info