Kin Ram konghoi dun dan leh kin ling kulhnak Dan pawl
Laai khawmtu: Rev. Phun Za Nem
Kin ram Uk dan thar bawn leh ai Democracy ram cang ve tuhin naper pan lai tak ii. Ciaman kin lingkul hnak Constitution dan thar te pawl rel tlang nga sing. Dan nambat heh a hnuataber ah tar vivo nga sing.
- A hming : The Republic of Union of Myanmar
- Ram thunai hnak heh ram song mite hnenan hleng ai ram pumpui ah om ii. (4)
- Thu hampui a tumtah hnak thil 6-te:-
- Pehzomdun hnak siatbal tuh loin.
- Miphun cang lungrualhnak siatbal tuh lo in.
- Ram thu naihnak (Sovereignty) kho hlen tuhin.
- Dan pha ngai neiin party tamngai thawnai ukhnak fehpui tio tuhin.
- Dikcanghnak, zalenhnak leh bangran dunhnak dan pha khaih nung ruai tio tuhin.
- Ram pumpui konghoihnak ah ram kiltu pawl (Defense Service) te tel ve tio thil tuhin ruat tio tuhin.
- (a) Ram songai a omcia Division 7 te khiah region 7 tih tuh ai, state 7 te khiah state 7 ii tuh tio ii. Ciami Division 7 leh State 7 te khiah bangran tlang tuh ii. (9-a)
(b) Ciami Region 7 leh State 7 te khiah a hming omcia bangin ko ituh ii. (9-b)
- Ramsong ai State te, Region te, ramri khanhnak te leh mahnio ukdun hmun ram te khiah zaikom in khai danglam ruai siang tuh lo ii. (10)
- (a) Rampui thu naihnak khai hmun thum ah khan i sing.
- Dan bawn hmun (Legislative Power),
- Naper leh dan nung ruaihnak hmun (Executive Power)
- Thukhan hnak hmun (Judicial power) tiin khan tuh leh hemi hmun thum te khai pakhat leh pakhat bawm dun ai kilkhawi dun tuh ai khanhnak ii.
(b) Ciabang thu naihnak te khaih Union, Region, State leh mahnio ukdun hmun ah te khai pe ve tuh ii.
7. Dan rem thilhnak khai Pyithawngsuh Hluttaw, Region Hluttaw leh State Hluttaw te ah pe ii. Mahnio ukdun ram (Self Administrate) ram te khai dan hampui (Constitution) ai sianghnak bangbang in pe ve ii. (12-a)
8. Ram konghoitu ber le ukdundan lam ai thunai ber tu President ii.
9. (a) Ram pumpui ukdunhnak leh thilnaihnak te khiah Pyithawngsuh, Region, States leh mahnio ukdun hmun ram te hnenah Constitution bylaw bangin zem ii. (17-a)
(b) Pyithawngsuh, Regions, States leh mahnio ukdun hmun area leh ramri thula lamah, Defences, Security leh ramri lam thunaitu (Border Administration) te uktu tuhin ralkap bawi ber (Commander in Chief of the Defense Services) in rilhnak ralkap te tel vet uh tio ii. (17-b)
10. (a) Ram pumpui thurelhmun tu rampum pui Supreme Court, Regions High Court, State High Courte leh level dangdang Court te hnen ah pe ten ii. (18-a)
(b) Rampumpui thurelhmun sang ber tu pakhat lek om ai cia ciah Supreme Court ii (18-b)
11. Ralkap bawi ber khiah ralthuam hmuah hmuah kilkhawitu bawi ber ii. (20-c)
12. Acozah naper hmuah hmuah te khiah politics (Naingnganzi) ah tel hrim hrim tuh lo ii.
13. Ram thunaih hnak (Sovereignty Power) khiah do ai, langsah tumin kap dun ai maw, ciabang tih tuhin ram pehdunhnak hnawm ruai ai ram pui siatsuah leh rami te lungrualhnak hnawmcan ai thunaihhnak hnawmruai thai tian ai kapdun hnak te om le khaw, ralkap bawi ber (Commander in Chief of Defense Services) in he ukdunhnak dan (Constitution) ai ngan hnak bangin thunaihnak khai langsah in kilkhawi thil ii. (40-c)
14. Pyithawngsuh Hluttaw din dan
Pyithawngsuh Hluttaw ah he a hnia ai Hluttaw pahnihte tel ii.
(a) Dan No. (109) ai nganhnak bangin Myo-ne tenin maw, mipum siar zat in maw, mipui ai rilhnak palaite leh rakap bawiber in hming a pe hnak ralkap palaite thawn dinhnak Pyituh Hluttaw.
(b) Dan No. (141) ai nganhnak bangin Region te leh State te lamai palai bangran tenai bawnhnak mipui ai rilhnak palaite leh Commander in Chief ai hming a pe hnak ralkap palaite thawn din hnak Amyotha Hluttaw. (74-a)
15. Pyithawngsuh Hluttaw in he a hnia ai naper te per tuh ii. (80).
(a) President thurel hnakte record tuh ii.
(b) President laikuat te leh, Hluttaw Chairman ai pehnak laikuat te siar ai, record.
(c) Dan tlangpui bawn, rel tlang ai nemnghet.
(d) Pyithawngsuh Hluttaw in a nemnghethnak dan tlangpui pakhat khat thula ah President ruatdan reltlang le nemnghet.
(e) Constitution danpui songai Pyithawngsuh Hluttaw in a perkulhnak te reltlang ai nemnghet.
(f) Pyithawngsuh Hluttaw in thu lut te reltlang ai nemnghet leh record.
(g) Thu rawn hnak pe, rel tlang leh nemnghet.
(h) Zawt hnak leh sang dung hnak te.
(i) Pyithawngsuh Hluttaw Chairman in a pehnak thilte bawn leh per.
Dan pui ah nemnghet thu Phuang
16. (a) Pyithawngsuh Hluttaw in thu lut, Pyithawngsuh Hluttaw in rem ti zo hnak l heh rem ti bangin pom thil hnak dan tlangpui khiah President in a dong nia, a thaininghla pan in ni 14 songah a hming sign tuh le “Dan ah pawm zo ii” tih thu phuang tuh. (105-a)
(b) President in dan tlangpui khiah hming Sign in, phuang tuh tikcu can song ah he dan thu thawn pehparin a ruatdan khai Pyithawngsuh Hluttaw ah pe sal thil ii. (105-b)
(c) President in dan tlangpui khiah amah ruatdan thawn Pyithawngsuh Hluttaw ah pe sal lo in maw, a tikcu songah hming sign lo maw, phuang lo in om le khaw a tikcu tiam hnak khel hnuaah ciami Dan khiah President hming Sign zo tiin ruat thil ii. (105-c)
Pyithuh Hluttaw din dan
17. Pyithuh Hluttaw khaih palai a tam berah 440 thawn a hnia ai bangin din tuh ii. (109)
(a) Myo-ne omdan in le a song om minung tam dandan in, Myo-ne thar om le khaw a nong ber myone pakhat khat thawn kopin dan bangai vote petu area (Constituency Me sandah ne) bawn ai rilhnak palai 330 hnakin tamlo Pyithuh Hluttaw member te (109-a)
(b) Dan bangin Commander in Chief ai hming pehnak Pyithut Hluttaw member ralkap 110 te. (109-b)
(c) Pyithut Hluttaw songin Hluttaw thu phuang tu leh a bawm tu khiah Pyithuh Hluttaw in ril tuh ii.
18. Dan bawn thula
(a) Pyithut Hluttaw in a nemnghet hnak dan te khaih hlir sal tuhin Amyotha Hluttaw ah kuat tuh ii. (138-c)
(b) Amyotha Hluttaw in dan a relhnak te rem leh in maw, nemnghet in maw, nemnghet loin maw Pyithut Hluttaw ah pet uh sal ii. Ciami dan khaih Pyithut Hluttaw in a relhnak bangin Amyotha Hluttaw ah kust tuh sal ii.
(c) Pyithut Hluttaw in A Myotha Hluttaw ai kuatsal hnak dan te leh a remsal hnakte kuat sal in, ciami a remsal hnakte lungkhim pui leh khaw Pyithawnguh Hluttaw thu phuangtu hnenah pe sal leh tuh ii.
(d) Amyotha Hluttaw tein a pesalhnak dan thula ah Pyithuh Hluttaw tein lungkhimpui thil lo lekhaw Pyithawngsuh Hluttawin thu khan sah tuh ii. (139-c)
19. Amyotha Hluttaw te ai a naper tu Pyithuh Hluttaw leh Pyithawngsuh Hluttaw te ai naper thawnin a bang pah ii. Dan thar bawn le rem tuh heh a naper ber ii. Pyithut Hluttaw leh Amyotha Hluttaw te in amahte hnen ah thulut hnak bangin dan khiah bawn ai khat le khat sik tlang, ruat tlang veve hnuaah lung khim le khaw Pyithawngsuh Hluttaw ah nemnget hnak pe in kuat ii. Pyithawngsuh Hluttaw in khai sik le rel ai lungkhim hnua-ah President hnenah lungkhim hnak sign tuh in pe ii. President in sik ai lungkhim lo lekhaw, a lungkhim lo hnak thu le la te thawn pe sal thil ii.
20. Amyotha Hluttaw ding dan
Member 224- thawnin Amyotha Hluttaw khiah din i. (141)
(a) Self-Administered Division leh Self-Administered Zone songin palai pakhat ten tel in Region le State caang in bangran ten ai telhnak palai 12 thawn, a veksen in palai 168.
(b) Union Territories te tel in Region leh State caang in palai 4 ten, Commander in Chief in hming a pe hnak ralkap palai 56 (141-b)
(c) Amyotha Hluttaw thu phuangtu leh Deputy thuphuangtu te tu Dan no. (111) ai Pyithut Hluttaw thuphuangtu le Deputy thuphuangtu te ril bangin ril tuh ii. (143)
21. Ukdun dan (Union Acozah)
(a) Ram pumpui ai ukdanah lu ber heh President ii (199-a)
(b) Ram song ukdun hnak leh thunai hnak (Executive power of the Union) khiah Region le State ten ah sem ten ii. [199-b (1)].
(c) Mahnio ai ukdunhnak ram (Self-Administered Power) khiah dan hampui ai relhnak bangin mahnio ukdun hmun area ah pe ii. [199-b(2)].
Union Government din dan
22. Union Government heh a hnia ai bangin ding hnak ii. (200)
(a) President
(b) Vice President pahnih te.
(c) Union Minister-te
(d) Acozah sihni bawi ber (The Attorney General of the Union)
23. The National Defense and Security Council dingdan
Dan hampui (Constitution) pakhat khat in maw, dan pakhat khat in maw, a pehnak te khiah bawn tuhin President hohnak ram kiltu Council ( The National Defense and Security Council) khiah a hnia ai bangin ding ii. (201).
(a) President
(b) Vice President
(c) Phithuh Hluttaw thu phuangtu
(d) Amyotha Hluttaw thu phuangtu
(e) Commander in Chief of the Defense Service
(f) Deputy Commander in Chief of the Defense Service
(g) Minister of Defense
(h) Minister of Foreign Affairs
(i) Minister of Home Affairs
(j) Minister of Border Affairs
info