2011 June hla pah Kachin Independence Organization (KIO) le Kawlram acozah remdun lo hnua ah tun tian a tawng dun hnak com lo ii.
Momauk (N’mawk) hiang Da Seng khua hiang ah thing phur truck motor pakhat in Kyat million 2 man (US$ 2,580) phur le cia heh acozah ralkap te in pom le mai taai sah ii. Motor naitu le midang pakhat tu tlan suak man le a nun him ii. He truck heh China ram ah KIO ramsong lut in feh tuh hnak napui acozah ralkap te in cetin hnawmcan ii.
KNG thuthang hnen ah motor naitu in “Ralkap te heh a sual ze ii. Amah te ngenhnak bangin checkpoint 11 hnen ah tangka pe sek zo napui. KIO tu kin ca lau kuul lo, acozah ralkap sawn kin lau” tiin reel ii.
Zarh hmasa ah thingphur motor 9 le a mawngtu te khai Sinlum khua, Kachin state ah acozah ralkap te in pom awng ii. He a pomhnak motor mawngtu te heh tun tian a omhmun ling tlang lo ii.
info