Kawlram acozah in ramsong khangsohnak naperhnak sector 14 song ah pehzomhnak lam (Communication) ca sumpai tam ber hmang tuhin tawlrel ii. Kum 2012-2013 kum ca sumpai hmang tuhnak lak ah Communication ca a tam ber hmang tuh ii. He tumtahhnak heh April ni 1 nia an pan tuh ii.
World Bank (WB) in a phuanghnak ah Kawlram ai communication lam heh Southeast Asia ram tam ngai thawn tahthim fangin a ham pan dinhmun ah om lai ti ii.
Thuthimhnak ah Kawlram ah mobile phone heh mi 100 ah 1 in nai ai Thailand tu mi 100 in 1001 mobile phone nai i tiin World Bank in reel ii.
Kawlram ah Internet heh mi 100 ah 0.2 in hmang ai, Thailand ah mi 100 ah 20 in Internet hmang ii.
Kawlram acozah in kum 5 tumtahhnak bawn le 2012 kum an mobile phone heh million 30 nai tuhin tawlrel ii. March zarh 3hnak an Kwalram ah Mobile phone SIM card te zuar pan heh pakhat ah Kyat 200,000 (US$244) man in zuar ii. Kawlram thawn ram nong te pawl thawn tahthim fangin Kawram ai SIM card heh a man har sawn ai ram dang te tu SIM card pakhat heh Kyat 5,000 (US$6) dung in zuar tiin phuang ii.
Acozah ai National Planning Law in, GDP heh 2012-2013 song ah 6.7% in khang tuhin tumtah ii. Lo-rong lam khai 3% in khang tuhin ruathnak nai ii. Ceet lam heh 9% le naperhnak lam heh 8.3% in khang tuhin tumtah ii.
Tun dinhmun ah Kawlram an ramdang ah thil a zuarhhnak heh Kyat million 9,211,143 (US$ 11.233 billion) ii ai rampua an thil a laihnak heh Kyat 6,582,800 (US$ 8.028 billion) man ii.
info