SUAL HAMPANDAN (Serternak 3:1-7)
1. Sersiamhnak thil (Serterhnak 1-2)
Evolutionnal Theory. Bilical lo ii. Creationnal theory (Sersianhnak)…..biblical ii. lai le van le a sawng um hnak hmuah hmuah heh Pathian bawn hnak ii. Pathian bawn hnak thil pawl sik fang Serternak 1-2 ah sual ti hnak um lo ii. A cianghlim Pathian heh a bawn hnak thil le minung te thawn nuam ngai in pawlkom dun thil ii. Serternak 3 fang in Pathian bawn hnak minung te hnen ah sual hnak hleng pan ii. (Serterhnak 3;1-7).
Minung heh sual hnak nei hang man in Pathian thawn pawl kom dun thil lo in Pathian hmai ah Mithi ah cang ii.
Cia mi sual heh mi pakhat Adam man in lai vum mi hmuah hmuah mi sual ah kin can ii(Rome 5;12)
2. Pathian hmai ah Mithi (Serternak 2:15, 3:8-9).
pathian in Adam te hnen ah ning ai nia pah ning thi tuh ii tin rel cia ii(Serternak 2:15) Thih hnak heh pawlkom hnak cak(separation)ti hnak ii. Adam heh taksa in nung na pui khaw rauhla ah (mithi) pathian thawn pawlkom hnak cat ii.
Cia man pathian in adam a ko na um ii pa si tin si in ko ii.
Nang khei Khrih sawng ah nun hnak thar nei in pathian pe hnak ciangrauhla nei lai lo le si khaw pathian in a ko na um ii pa si tin na ko ii.
Pathian na ko hnak heh a ko tin leh rul a si……..?
3.Ning mit ning var tuh ii (Serternak 3:4)
Adam le Eve sual hnak abawn hlan ah naked (kong kolh)in um na pui zak thi pha le lau pha ling lo ii (Serternak 2:25).
Sual hnak abawn fang amit var ngai ngai ii.(Serternak 3:7).
A mit var fang a din hmun heh Pathian hmai ah (naked)zak thi kul,ning dul kul ii lam heh hmu fiang dun ii.
Tun nia caan minung kin din hmun, kin ruat hnak,thup neu in thil kin bawn hnak, kin ponkam le kin thin lung put te heh Pathian hmai ah a zakthi kul, lau kul le ning dul kul dan heh pha neu in kin ruat dun sal fang in ling fian dun thil ii sing.
Tun nia caan ah pathian hmai ai na din hmun heh fiang ngai in sik dun cul tu lai kon tin hmu dun pa sa…..??
Pathian hmai ah nang ma le nang ma heh a kon tin hmu dun pa si….?
4. (Pathian hnen an relh ii (Semternak 3:8,10)
A dam le Eve ten a din hmun a ling fiang dun fang in pathian hnen an relh ii. Pathian ben ngam lo ii,pathian thawn hla ah um tum ii,pathian hnen ah tlan tum ii.
Mi tam pui ten pathian hmai ah kin din hmun fiang ngai in kin ling dun hnua ah kai tu ii sual ze tin Pathian hnen an tlan, khawm zuam lo,pastor le pathian na
Per te lau,saw ngen le thu rel ngam lo in pathian hnen an tlan tum de ii.
Misual it tu pathian nei ii sing na din hmun fiang ngai in na ling dun fang in a hnen in tlan tum mah
A hnen ben tu sawn, na sual na ngai thiam tuh ai kum khua nun hnak khai a man lo in na pe tuh ii.
5. Thai hnah in a sual hnak (naked, zakthi) kul iihnak hup tum (Semternak 3:7)
Adam le Eve in pathian hmai ah misual ti a ling dun fang in a ma te la la heh cia mi sual hnak sawng an thup dun tum in thai hnah khui in sil vek ii.
Cia na pui thai hnah tu ni khat khei rai lo,nikhat hlan pah ro car in hmang tlak lo ah cang ii.
Minung fim hnak,thiam hnak,ruat hnak,zuam hnak,hmang in pathian hmai ah kin sual thup tun in mi dik cang tum na pui sing khaw zai cam kin khan awng lo ii.
Arai hlan ah kin ma din hmun kel ah kin hlen pui tho tho ii.cia man kin zuam sawng tu kin ma kin cawl teng siah ii.
Minung lam zuam hnak tu thai hnah bang in arei hlan ah kin zulh sek ii.
Minung lam kin zuam hnak men ma in pathian hmai ah kin sual hnak thup thil lo ii sing.
Cia man caan awm lai ah kin din hmun le sual hnak heh a ma pathian hmai ah thup lo in a hnen ah kin sual phur rit thawn ben sawn a sing.
A ma pathian in kin sual thil rit kin sawng sah tuh ii.
6.Pathian bawn sah hnak tu phaw (Serternak 3;21).
Pathian in ama hmui hmel bang ai bawn hnak minung te a sual hnak man zakthi in um, a ma tawk ngam lo,ama thawn pawl kom dun thil lo, thai hnah in a sual hnak le zakthi hnak te thup dun thil lo zia a hmu fang in sik men ma thil lo ii.
Cia man pathian hmai ah asual hnak le a zak thi hnak te thup sah tuh in TUU PHAW pe in sil ruai ii.
Tuphaw ngah thil tuh hnak in tu thisen luang in a tu ro ri heh rek hma sa kul ii.
A dam ci hlah kin te kin mah zuam hnak le phat hnak man in pathian hnen hlang thil lo.
Pathian hmai ah kin sual hnak thup dun thil lo dan le kin zawn zai dan heh pathian in kin sik men ma lo ii.
Cia man ramsa nun hnak le thisen ii lo in ama fapa naih sun nun hnak le thisen heh kin ca ah kin pe ii(John 3:16)
Sual ngai thiam hnak tuh in tu thisen luang ta kul ii (Hebrew 9;22).
Sual hnak nei lo Pathian tuu fa jesuh Khrih tu kin ca ah kin pe le Cross cung ah thisen luang in thi ii (2Kor 5:21).
Mi ai su bang khai Khrih a sang hnak man in Cross cung ai luang hnak a thisen thawn sual ngai thiam hnak co thil ii (Eph 1;7, 1John 1;7).
Pathian in kin sual hnak hmuah hmuah tu Khrih sawng ah kin ngai thaim zo ii (Colo 2;13-14).
Kin hrang ai Pathian pe hnak Khrih heh sang hnak thawn tu phaw bang a sil tu hmuah hmuah tu ama jesuh khrih sawng ah sual ngai thiam hnak le van cung ram pathian hnen hleng thil ii sing (John 14:6).
Pathian in jesuh Khrih asang tu mi hmuah hmuah hnen ah sual ngai thiam hnak le thih hnak in kum khua nung hnak kin pe ii (Rome 6;23,John 3;16). Pathian hming thang phat hnak um tu seh….
Ning vek sen vum ah pathian hmuifu athar in um tu hram seh,
Stephen Thawm Lian
info