Tedim Township ai upa te in President Thein Sein hnen ah Chin State sakta ram heh District din sah tuhin ngenhnak laai kuat tiin Zomi Daily in phuang ii.
He relcathnak heh Zogam Rural Development Program (ZRDP) in Tedim ah March 19-24 2012 nia ah meeting nai in suahhnak ii.
District thar a ngenhnak ah Tedim pon hmang miphun umhmun ram pathum; Tedim Township, Tonzang Township le Cikha Sub-township te tel tuh ii.
Konghoitu te in laai a tawlrel fangin Chikha Sub-tonship le Tonzang Township ai upa te rawn hmasa zo ti ii.
President Thein Sein heh a rai hlan ah Chin State tlawn tuh le cetah he thupui heh rel pui tuhin tumtahhnak ii.
ZRDP ai President Pu H. VUm Za Nang in 29 March, 2012 nia ah Tedim an upa 3, Tonzang ai MP 2 le Dr. Sian Za Kham in Tedim mipui aiawh in laai an hmin nem le President Thein Sein hnen ah District ngen ii.
Tedim te bang pah in hla hmasa ah Hakha te in khai Kawlram acozah hnen ah ngenhnak bawn zo ii.
Tun dinhmun ah Chin State heh minung 500,000 dung ii le a ram area heh 36,019 sq km kau ii. Township 9 umh ai, Sub-township 3 te khiah huap sekin hmun 2 in uk le Falam District le Mindat District tiin saklam le hlanglam in khan ii.
Kawlram heh ukhnak ah State le Region tiin khan ai cia song ah District, Township, Vilaage Tract, Village le Ward Administration tiin khan zianzo ii.
info