Aung San Suu Kyi in by-election ah nehhnak co hnua ah ramdang te in Kawlram lak ah naper tuh dan te khai roh ngai in thleng pan hang ii.
European Union (EU) in April 23 nia ah meeting nai tuh ai Kawlram lakah sumpaihnak hong tuhhnak te pawl reel tuh ii. He nia heh EU in Suu Kyi heh Parliament ah lut tuhin sawm zo ii.
Nitlak lam acozah te – Canada, Australia, New Zealand le UK te tel in US le EU te khai Kawlram thawn pon dun tuhin sawm teng i hang. Kawlram hiang ai ram te khai 2014 ah Southeast Asian Nations (Asean) pawlkom ah Chairman per tuh ii le Kawlram heh hlat ngam lo in umh teng ii.
International Monetary Fund (IMF) in khai Kawlram tangka man nai in kilkhawldan tawlrel tuhin palai zaimawzat khai hlat ai ii. Wold Bank khai Kawlram thawn pondun tuhin le naperhnak lam ah bawm tuh ve in a hong dun teng ii.