April 23, 2012 nia ah tun ai by-election ah tling MP veksen Parliament ah langhnak program umh tuh ii. Inapui he program ah MP te in Parliament ah thukam tuhhnak ponka heh NLD lam in lungkhim lo ii. Thukamhnak ponka ah, “Ramdaan kilkhawl tuh (safeguard the Constitution),” tihnak, “Ramdaan upat tuh (respect the Constitution)” in thleng tuhin Parliament hnen ah laai hlat zo ii.
NLD lam in acozah in a ngenhnak bangin bawn sah hiam lo lekhaw Parliament ah MP thar langhnak Program ah NLD MP te tel tuh tiin phuang zo ii. NLD in tlawngkai ninga nia ah President Thein Sein hnen ah laai pe zo ai, laai dang ngan leh tuhin tawlrel leh ii.
NLD hotu Aung San Suu Kyi in tun ai thubuai heh rem thil tuh tiin pong ii.
NLD in tun kum April ni 1 nia by-election ah tohkham cuh tlang le 43 ngah ai nehtu party i hang ii.