22 April, 2012 nia ah China le Russia in tipui lam ah a vaikhathnak tipui lam raldodan zir tlang ii. He a bawntlanghnak maan Asia ai ramdang te ca khuaruah har ruai ai thin lau ruai ii.
China ai Yellow Sea tihnak tipuithuanthum ah he ram 2 in raldodaan ni 6 song bawn cuul teng ii.
He thil maan China ai ramri lam thula khai so ruai zianzo ai Japan thawn a cuh dun hnak ram thula khai hetin ralthuam bangin so tlang vivo ah cang ii.
China Sea (Tipui) ai hlanglam ram heh minung umh lo hmun inapui he tipui hnia ah Oil le Gas tampui umh tiin Asia ai ram dang te thawn cuh dun teng ii.
Tun ai raldo zir tlanghnak ah hmun khat in van lam raldodan, tipui song luthnak lawng kaapdaan te le raldo fangin bawmdun tuh dan te zir tlang tiin Xinhua thuthang in phuang ii.
China in raldo lawng 16 le ti song luthnak lawng 2 nai ai Russia in raldohnak lawng 4 hmang tlang ii.