23 April, 2012 nia ah Kawlram Parliament ah tun kum by-election ai tling MP te langhnak program nai tuhhnak ah NLD ai MP te tu thukamhnak ponka hmang tuh hnak lungkhim loin tel lo ii.
NLD MP te parliament ah tel lo hnua ah a daan loin NLD palai le acozah palai te khai 24 April, 2012 nia ah tawkdunhnak nai leh zo ii. 25 April, 2012 nia ah NLD le acozah in remreel thai tiin ruathnak umh ii.
Tun ai acozah daan ah acozah daanpui heh rem/thleng tuh lekhaw Parliament ai member 75% in lungkhimhnak kuul tiin daan bawn cia ii. NLD in acozah daan bawn cia hnak thleng ruai tuh bang cang le tun ai acozah awhtu USDP party thawn khai roh ngai in zuamdun teng i hang.
Tun teng ah Kawlram Parliament ah USDP in MP 166 le party dang te in MP 105 thawn Parliament heh tohkham 343 in dihnhnak ii.
Tun naai ai by-election ah NLD in seat 44 lawnghnak song in 43 ngah le he election ah nehtu ber cang ii.
Tun teng ah Kawlram President Thein Sein heh Japan ram tlawng teng ai tlawngkai ni hnih nia ah tlung tuhin um tlang ii.