Mon National Democratic Front (MNDF) le All Mon Regions Democracy Party (AMDP) te in hmun khat ah umh tuh in lungkhimnak nai zo tiin party lu ber te in phuang ii.
He thu relcat thil tuhin party 2 ai palai te kawi tlang le April 23 ni ah zanlam 1:00pm – 4:00pm tian Mon state ai Moulmein khua, phungki tlawng ah tawkdun tlang ii.
He meeting ah 2015 kum ah Kawlram acozah parliament election pui ah tel tuhin lungkhim tlang ai party 2 heh pakhat ah kom in Mon Democratic Party (MDP) tiin hming pe tuhin lungkhim tlang ii. 2014 kum hlan ah party 2 heh 1 ah kom tuhin lungkhim tlang zo ii. Party 1 ah kom dun hnua ah acozah ah pawl hming heh thun tuh ai 2015 kum election ah tel tuhin tumtah ii.