April 29 nia ah Sudan ram in South Sudan ramri ai a ram mi te ca laukul ah umh (State of Emergency) thu phuang ii. Sudan ram ah South Sudan a suak hnua kum khat dung ah hetin he ram pahnih te heh tawng dun tuhin buai tlang ii.
He ram pahnih karlak ai Oil uhmun ram thula ah roh ngai in zarh hnih song buai le ram khat le ram khat tawng dun tuhin tho tlang hang ii.
Tun hla a ngom lam ah South Sudan ralkap te in Sudan ram ai Heglig hmun ai Oil umhhmun lang sah ii. South Sudan lam in a ralkap te hnua telh awng ii.
Zarh hmasa ah South Sudan in Heglig hmun ah a ralkap te hnua tolh ruai zo ti ii. Sudan in bomb in kaap le United Nations lam in he bomb in mipui 16 thi tel ti ii.
Sky News thuthang in tun heh South Sudan in Sudan thawn a ramri ah a ralkap te a dim in dah le April 20 nia ah tawng dun tuhin thu phuang zo hang maan ralring ii.
South Sudan ai Catholic tam ngai khai Muslim lal hmun Sudan ram an July hla ah thusuakhnak bawn hnua ah hnua tolh ve ii. Sudan le South Sudan in 2005 kum ah ram song ah tawngdunhnak buaihnak a suakhnak thu ah remhnak bawn awng ii. Inapui le ramri thula le Oil thula ah thu ciang in reel hnak umh lo le hetin buaihnak in pehzom ii.