Rong in kin aihnak faang (Rice) heh ling loin faang ah minung ci telhnak ai nga thai ii. Ciaman tun kin san ah kin aihnak faang heh kon in kawihnak ii, aisu te in ciinghnak tihnak ling fiang kuul i hang.
U.S ai Kansas ram ah biotechnology company Ventria Bioscience in minung ci thawn roihhnak faang heh acre 3,200 ah ciing ii. Thil nung heh a ihnak danglam ruaihnak heh Genetically Modified (GM) tiin ko ii. Hetih bang GM hnak faang heh Kansas ah ian i loin hmun dang dang ah loram naitu te in ciing thai meng ii. Mipui tam sawn in he faang thar heh kon in kawi ai, kontin bawnhnak in suak hnak tihnak ling lo tam sawn ii.
2006 kum an Ventria company in faang ci ai gene heh danglam ruai in minung ai gene thawn roih le lailung ah ciing pan zo ii. Hetih bang ai a bawnhnak san ber tu faang ah protein tam tuhin ruathnak in ii. He thil thar heh U.S Department of Agriculture (USDA) in lungkhimhnak thawn bawnhnak ii le Ventria company heh he faang thar ciing tuhin pervo pehnak pakhat ii. He thil in minung ca si (Medicine) thar bawn suak thil tuhin ruathnak nai tiin reel ii.
A ngom ah minung ci thawn roihnak faang heh laboratory (datkhuaikhaan) ian ah ciing de ii. Inapui 2007 kum ah sumpua lam ah ciing pan hang ii. He thu za maan lungkhim lo tu te khai umh ii.
He faang thar heh minung in ai tuh in acozah lam in phuang lai lo napui sumpua ah kau roh in ciinghnak maan thing, hampa le nunghing te ca thil danglam suak ruai thai tiin ruathnak umh ii.
Tun hnua ah rong in kin aihnak faang heh minung ci thawh roihnak i thai ii.