httpv://youtu.be/ZaT6GHwcImQ
London khuapui ah Olympic salhnak 2012 London Game puai heh May 10, 2012 nia ah Olympic maifar nung ruai le he maifar heh July 27 tian British ai khuapui ber London ah nung tuh ii.
Hlanlai ah nu puithiam in maifar nung ruai de ii. Tun ai maifar heh Ino Menegaki in hlanlai Olypia san ai Hera Temple ah nung ruai ii.
He maifar heh Greece ram song ah fehpui tun ai cetin London ah lut pui tuh le Olympic salhmun ah koih tuh ai Olympic pan tuh ii. Greek mi tileuh thiam Spyros Gianniostis, Olympia vai thum ngah tu in Olympic maifar dong hmasa ber ai tlan pui ii. Cetin maifar heh ni 8 song tlanpui hnua ah Great Britain ah May 18 nia ah hlen pui tuh ii. He maifar in khua 1,000 hnak in tam sawn tlawn tuh ai lamkhong heh mile 8,000, ni 70 song tlanpui tuh le July 27 nia ah Olympic salhnak hmun ah koih tuh ii.
Olympic salhnak heh July 27 an August 12 tian umh tuhii.