Sayamah Thuan Nai Mawi @ Charity Htoo

ZANNIAT RAM AH PATHIAN NA LE NGO NA A PERHNAK

Sayamah Charity Htoo @ Thuan Nai Mawi in kin zanniat ram khangso tuhhnak hrangah a ben tawkin naper li ve ii.

MYANMAR ANTI-NARCOTICS ASSOCIATION (MANA) Yangon te sawm le 3.4.2012 (Tuesday) nia ah Chaungkhuah Administrative Office ah mipui te hnenah Puppet Show thawn thurelhnak nai tlang ii. Hemi group ai naper dantu ri thai thilri hmangtuh lo leh kham tuh hnak te, kin pumpui cianghlim tuh dan, cen HIV/AIDS awareness campaign thawn khim ngai in relfiang ii. Chaungkhuah mipui 420 hleng ai thungai hnak leh reltlang hnak nai ii. 4.4.2012 (Wed) nia tu Natmyaung khuaah. 5.4.2012 (Thu) Natchaung leh 6.4.2012 (Fri) nia Panmuanchaung khua, 7.4.2012 (Sat) nia, Love in Action Ministry Centre, Satawm ah leh a zan ah CJC kohhran Taungphila ah he mi program hmang tlang ii.

Youth Bright Hope Christian Medical Team te thawn khai naper tlang ai, 7.4.2012 (Sat) Webula, leh Panmuanchaung, 8.4.2012 (Sun) Chaungkhuah, 9.4.2012 (Mon) Taungphila ah medical lam campaign nai ii. Hemi group ai naper danah tu, Malaria urte sik sah tuh, kam lam sik sah tuh, zin hlum, thisen hlum te sik sah tuh,ur phumcang sik sah tuh, cen vitamin sam te bawm tuh in tum tah hnak nai ii. Simu aih tuh leh IV, IM te thawnin tuamhlawm hnak nai ii. A hleice in mit lamah harsahnak naite hrang mit hlalang khai zem ii.

Hemi team ah kin ram uktute lingpuihnak Doctor (Siavuan) te rori thawnai naper tlang hnak ii. Kin Zanniat mipui te hrangah phathnemhnak leh khangso hnak tamngai ngah tlang i sing. Sunah miur sik sah tuh leh zanah rauhla rong khai kin pe ii. Taksa urhnak lek ilo in rauhla urhnak le kin samhnak hrang tian kin bawm man in tam ngai kin ang ii.

Hetih bangai kin ram kin miphun khangso tuhhnak ai naper hnakte khiah Victor Relief & Development Team (VRDT) konghoihnak leh tawlrel hnak ii. Hemi teamah pumpe ai Pathian na a per tu Managing Director Sayamah Charity Htoo @ Thuan Nai Mawi ii.

httpv://youtu.be/0Aqho27Dihg

Sayamah Charity heh naper ian thiam i lo ai laa lam khai hmuifo co ii. 2010 kum ai Zanniat Gospel Concert ah khai Muril Niu in tihnak laa pakhat a sahnak tel ii.

Kin ramah kul leh sam liatlohnak te nai ta pang le sing khaw 09-73148805 ah leh charityhtoo@gmail.com ah rel thil ii.