Mizoram ai Presbyterian pawlpui ai rorelhnak Synod Executive Committee le U.S.A ai Presbyterian Church (USA) te in Pathian thu pomdan te reel tlang ai pawlpui ah nupang le mipa ihnak bangdun te naidun thilhnak (Same Sex Marriage) thula le Pawlpui konghoitu ah mipa le mipa pawldun mi, Gay te pawl tel thil tuh thula te pawl reel tlang ai Mizoram Presbyterian upa te in he daan thar heh Bible ai Pathian thu thawn rem thil lo i maan Mizoram Presbyterian in Presbyterian Church (U.S.A) thawn na per tlang thil tuh lo hang, a khek dun hang tiin phuang hang ii.
He thula heh India ram ai Presbyterian Church of India in a vai 238hnak Synod Executive Committee nai le cia meeting ah roh ngai in U.S lam ai Presbyterian fehpui dan thar te reel tlang le Mizoram lam in veksen lungrual in U.S thawn pehzom tuh loin lungkhim ii. U.S.A ah Presbyterian Church heh Protestant pawlpui lak ah konghoitu ber lam ii le member 2.3 million dung ii.
Presbyterian Church (U.S.A) heh America ram ah United Church of Christ, Evangelical Lutheran Church le The Episcopal Church te hnua ah pawlpui upa ah Gay (mipa le mipa daihdun mi) tel thilhnak lungkhimtu pawlpui ii.
info
Kin cak tlang maw?