America in 2012 kum an nupang te pawl heh raltawnghnak ral ram ah tel thil tuhin daan thar bawn le ralkap ai brigade 9 ah nupang te tel ruai zo i hang. Cia te song ah 4th Brigade tihnak Fort Campbell ah khai nupang ralkap tel ii. Tun ai U.S in dan thar a bawnhnak maan U.S nupang te ca ralkap ah naper tam ngai ngah tuh dinhmun ii.
Col. Val Keaveny Jr., 4th Brigade Combat Team ai commander in, “Tun hlan kum 10 dung tu nupang heh raltawnghnak hmun ah rai lo nio ian a kulhnak bawmtu tuhin tel ruai de ii,” tiin reel ii. “U.S tluanthu ah nupang in raltawnghnak ah poimawh ngai in a telhnak tam ngai umh le tun kin san tian ah poimawh zianzo ii. Nupang te in thiamhnak pha ngaingai nai ve ai ralkap ai infantry, armory le cavalry te pawl ah nupang ralkap dah hang ii,” tiin reel ii.
Tun ai U.S daan thar in nupang mi 14,000 te ca ralkap ah naper pe tuh ii. Inapui le nupang mi 250,000 te ca naper umh lai lo tiin Associated Press thuthang ah phuang ii.
Zuk le video ah nupang ral pha roh roh, ral tawng thiam roh roh kin hmu de hnak bangin tun a tangin tawnghnak ngaingai ah U.S in nupang hmang tuh i hang.
Web Admin