Hla hmasa lam pah Malaysia ai UNHCR in Chin refugee te song ah refugee tlang tlang daan loin sumpai ngen dunhnak umh thu roh ngai in zingzoi ii.
UNHCR in Chin mi refugee umhzat hming te lang teng ai man pe kul lo hnak ii. Cia napui Chin mi song ah UNHCR ah refugee hming pe fangin sumpai ngen dun hnak umh le cia heh UNHCR in lungkhim lo ii. Tun ai refugee hming list langhnak heh “Bio-Data Collecting Exercise” tiin ko le Malaysia in daan loin a ram ah umh te pawl heh acozah daan bangin tawlrel tum maan in he harsathnak ah Chin refugee te in buaihnak tawk thai maan UNHCR in hetin hming list lang ii. Hming list lang fangin UNHCR in pawlkom le napertu te a hlathnak te songin UNHCR ai ruai lo hnak, refugee te hnen ai sumpai khonhnak umh ii.
Hetih bang i Chin mi song ah thil mawi lo a bawnhnak maanin UNHCR in Bio-Data Collecting Exercise program heh com ruai rih i hang.
Hetih bang ai UNHCR in refugee hming langhnak com lio maan refugee ngah lailo te le ca harsahnak tampui umh tuh ai tun ah UNHCR ah hming tel lo Chin mi 10,000 Malaysia ah umh ai Chin mi veksen in mi 45,000 dung khim tuh ti ii.
info