Tun naai ah Chin National Front (CNF) le Kawlram acozah te lungkhim in Falam – Tio karlak ah office hong thula ah tun hlan bangin CNF in mipui hnen an tangka khon tuh hnak in ruathnak tampui umh ii. He thula heh CNF Chairman Pu Dr. Za Hlei Thang in 22-24 June, 2012 tian U.S.A an Canada ai Ottawa tlawn le Falam upa te thawn roh ngai in thu zawthnak nai le cetah CNF in Falam township song ah a honghnak office heh mipui hnen an tangka khonhnak tuh i lo thu ciang ngai in reel ii. Kawlram le India karlak ah phur thil lo hnak thilri hrekkhat, ralthuam le riithaithil (Drugs) tel loin acozah le sumdawng te karlak ah lingthiamdunhnak (Kawl pon in Pyi Le) tihnak bawn hmun in hmang tuh thu reel ii. Tun hlan ah Falam le Tio karlak ah Nu Mah Ci in mipui le acozah karlak ah Pyi Le per tio de le he naper heh CNF in bawn in sumpai ngahhnak in hmang tuhin acozah in sianghnak ii.
Dr. Za Hlei Thang heh 1990 kum dung ai Kawlram acozah ah Chin National League for Democracy (CNLD) hmang in Member of Parliament (MP) ngah awng napui acozah in election khiah pom sah leh lo maan tun nia tian ram pua ah umh ai 2011 kum ah Chin National Front (CNF) in tun hlan kum 20 song hmuah pawlkom a fehpuidan thlengh maan tel le kum 4 song (term khat) CNG Chairman per ai, Chin National Army (CNA) khai thunaitu ber ii le a kuul lekhaw UNO ai bangin Veto power nai ii.
CNF hmangin Chin mi veksen lungrual tuhin le a hlaice in CNF ah Falam peng mite pawl tel tlang in konghoitu ah cang tuhin tun heh hla 2 song khualtlawn in vaak teng ii.
info