Bangladesh ah ni thum song roh ngai in van ruah si le tii lian ai roh ngai in lai min maan mi 55 thi zo thu official te in phuang ii.
Acozah ralkap te khai tilian le laimin man siattawk te bawm tuhin hlat ai Chittagong ram ah a roh ngai thu Sirajul Haq Khan, chief administrator in phuang ii. He harsahnak maan mi tam ngai thi beet thai tiin phuang ii. Khan in tilian le laimin maan a tlawm ber ah mi 26 heh Chittagong ai tipui ah le Cox’s Bazar dung ah thi zo ti ii.
Bandarban district ah mithi ruang 30 heh laimin hnak ah tawk zo tiin he hmun ai thunaitu Tariqul Islam in rel ii.
Chittagong ah ruah ti heh 40 cm (12 inch) tian nazi 12 song Tlawngkai nihnih nia ah dong ii.
Chittagong ai Shah Amanat International Airport khai June 26 nia pah khaam zo ii. Tlangleng lamkhong ai lailawn te khai hnawm sek le Chittagong thawn pehzomhnak lamkhong hmuah hmang thil lo i hang.
Tun ai tilian le laimin maan mi 50,000 dung in harsahnak tawk tiin Disaster Management Information Centre in phuang ii. Chittagong le ramsong pehzomhnak tlangleeng (Train) te khai com sek ii.
Tun hlan ah fur ruah tam ze in Chittagong ah tilian le laimin ah mi 5 million in harsahnak tawk awng ai mi za vum tam roh thi zo ii.
2007 kum ah laimin in Chittagong ah mi 130 thi ii. Cox’s Bazar ah tilian in 2010 kum ah mi 53 thi zo ii.
info