SEOUL, South Korea — Samsung Electronics Co., laivum ai mobile phone ah konghoitu ber in July hla song ah Galaxy smartphone heh 10 million zuar suak tuh hang tiin phuang ai he phone daihtu mi tam ngai ti ii. Samsung mobile phone thar heh a daihtu tam ze le company in daih bangin ban ben lo sawn ti ii.
httpv://youtu.be/yDAiKYqsonI
Shin Jong-kyun, Samsung ai president in Galaxy S III phone heh a suak hnua hla hnih song ah 10 million zuar ngah hang tiin rel ii. “Europe ram ah sumpaihnak harsa teng thawn phone bawnhnak tuh thilri te khai a kuat harsa thawn a vaihnihhnak company in phone a zurhnak lam ah hlawk tuh sawn,” tiin reel ii.
Galaxy S III heh Europe ah May 29 nia ah zuar pan le U.S lam smartphone zuartu hnen ah khai zarh hmasa ah honghnak nai ii.
South Korea ai company in S III heh laivum ah mobile zuartu company 300 dung in July hla song ah khim tuh thu phuang ai amah thawn zuamdun ber Apple company in smartphone thar a suah hlan ah tumtah tlang ti ii.
Samsung in 2011 kum ah laivum ah lar ber Nokia phone neh lio ai tun heh Apple company thawn zuam dun teng ii. Tun kum song ah Samsung in smartphone heh 200 million dung zuar tuhin ruathnak nai ii.
Web Admin